Tuesday , November 29 2022

Girian sa Minorya lalong umiinit

MAINIT na pag-aawayan ng mga kaalyado ni House Speaker Gloria Macapagal Arroyo at ng mga mi­yembro ng Liberal Party at ng Magnificent Seven (ang kasaluku­yang tunay na minority) ang kali­punan ng House Minority.

Ayon kay Quezon Rep. Danilo Suarez, ang kasalukuyang minority leader, hindi siya aalis sa puwesto niya.

Pero sabi nina Albay Rep. Edcel Lagman at Marikina Rep. Miro Quim­bo, walang basehan si Suarez para manatiling minority leader kasi ibinoto niya si Arroyo.

Base sa House Rules ng Kamara, kung sino ang bomoto sa speaker ay magiging miyembro ng majority at kung sino ang hindi bomoto o nag-abstain, ay magiging bahagi ng minority.

“Si Danny Suarez at ang kanyang grupo ang nagpatalsik sa sarili nila sa minority mula nang ibinoto nila si GMA,” ani Lagman sa isang press conference matapos magpulong ang grupo ng LP sa opisina ni Quimbo.

Pahayag ni Lagman, napagkasunduan na ng minority na si Quimbo ang lider ng minorya.

Dagdag ni Quimbo, ang katunayan, isa sa mga unang nakapirma si Suarez sa manifesto para suportahan si Arroyo.

Mayroon aniya silang sulat sa speaker na nabuo na sila bilang minority.

“Nakahanda na ang minority para makapag­trabaho kasama ang majority,” ani Quimbo na nagsabi na bibitiw na siya bilang deputy speaker.

Kasama sa press conference ng LP kaha­pon sina Cavite Rep. Francis Gerald Abaya, Caloocan Rep. Egay Erice, Dinagat Rep. Kaka Bag-ao, Ifugao Rep. Teddy Baguilat, Quezon City Rep. Bolet Banal, Albay Rep. Edcel Lagman, Marikina Rep. Miro Quimbo, Quezon City Rep. Kit Belmonte, Rep. Josephine Sato ng Occidental Mindoro, Rep. Jocelyn Sy Limkaichong ng Negros Occidental at Rep. Gabriel Bordado ng Camarines Sur.

Ani Quimbo, bukas sila sa pagsali ng ibang mambabatas sa grupo ng minorya.

ni Gerry Baldo

 

About Gerry Baldo

Check Also

DILG BIDA

24,000+ drug personalities naaresto sa bagong BIDA

INIHAYAG ni Department of the Interior and Local Government (DILG) Secretary Benjamin “Benhur” C. Abalos, …

Bongbong Marcos face mask

Sa FM Jr., admin
PH NASA TAMANG DIREKSIYON — OCTA SURVEY

 MAYORYA ng mga Pinoy ay naniniwala na ang bansa ay patungo sa tamang direksiyon sa …

fire dead

67-anyos Lolo patay nang mabagok habang lumilikas sa sunog

ISANG 67-anyos lolo ang patay nang mabagok habang lumilikas nang masunog ang ilang tahanan sa …

duterte gun

DOH isali sa gov’t anti-drug campaign
HUSTISYA SA BIKTIMA NG EJKs SA DUTERTE DRUG WAR ISINUSULONG

HINDI dapat kalimutang bigyan ng hustisya ang libo-libong biktima ng patayan sa madugong drug war …

112922 Hataw Frontpage

 ‘Intel funds’ sa civilian agencies nais putulin ng Senador

IGINIIT ni Senate Deputy Minority Leader Risa Hontiveros ang posibilidad na amyendahan ang Administrative Code …

Leave a Reply