Friday , March 29 2024

‘Fake news’ PCOO Asec pinagbibitiw ng kongresista

NANAWAGAN si Rep. Aniceto “John” Bertiz III ng ACTS OFW Party-List na magbitiw sa puwesto ang kasamahan ni Undersecretary Mocha Uson na si Assistant Secre­tary Kris Ablan ng Presidential Commu­nications Operations Office (PCOO) dahil sa pagkakalat umano ng ‘fake news’ na nagbaluk­tot sa sinabi niya nitong nakaraang “pre-SONA forum” na ginanap sa Philippine International Convention Center.

Aniya, ang ginawa ni Ablan ang nagbigay kay Labor Secretary Silvestre Bello ng pagkakataon na siraan ang pangalan at pagkatao niya.

“Wala ako roon at hindi man lang ako nakapagdepensa sa sarili ko o makapagpaliwanag. Bilang isang halal na miyembro ng Kamara at nag-iisang kinatawan ng mga OFW, hindi nara­rapat ang paglapas­ta­ngan ng kapwa ko opisyal mula sa ehekutibo,” pahayag ni Bertiz.

Ganito umano ang mga sinabi niya: ”The Philippines under the administration of Pre­sident Rodrigo Roa Du­terte, has made signi­ficant gains promoting [the] welfare of overseas work­ers and their families… So your honorable ladies and gentlemen, what are we doing so that the migrants and overseas employ­ment will no longer be a necessity but a choice.  Wala po tayong nakikita ngayon sa Tatak Pag­babago in regards to … ‘yung plano ng ating mahal na Presidente tungkol sa 10 milyong overseas Filipinos world­wide.”

Ang tanong aniya kung bakit sa presentation ng economic cluster, wala man lang nabanggit tung­kol sa kanilang plano para sa mga OFW.

“Hindi ko tinira si Presidente. Pinuri ko pa siya. Hindi ko sinabing walang proyekto ang gobyerno para sa OFWs. Ang sabi ko lang bakit sa presentation sa First Pre-SONA, ‘di man lang nabanggit ang economic development plan na saklaw ang OFWs. At sinagot naman iyon nang maayos ng economic team,” ani Bertiz.

Ang problema, aniya, doon sa Second Pre-SONA, binuhay at iniba nang husto ni Assistant Secretary Ablan ang aking simpleng katanungan.

Ito umano ang sinabi ni Ablan:

“This was raised in the previous Pre-SONA Forum. What are the pro­jects … raised by Con­gress­man Bertiz of Party-List OFW po … What are the projects of the Duterte administration for our overseas Filipino workers? It seems from their perspective, wala raw pong projects ang Duterte Administration para po sa mga OFW, pakilinaw naman po…”

“Wow, super mali!” ani Bertiz sa isang press briefing kahapon.

“Asec Ablan, ang layo naman ng original statement ko sa tanong na sabi mo ay galing sa akin,” ani Bertiz.

“Moderator ang papel mo sa Pre-SONA forum, hindi commentarist!” dagdag ni Bertiz.

Dahil sa nagawa ni Ablan, binatikos aniya siya ni Bello.

ni Gerry Baldo

About Gerry Baldo

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *