Thursday , March 30 2023
P100 ransom money naitakas 2 MIYEMBRO NG KFR GROUP TODAS SA PNP CALABARZON Edwin Moreno

P100 ransom money naitakas
2 MIYEMBRO NG KFR GROUP TODAS SA PNP CALABARZON 

PATAY ang dalawang miyembro ng kidnap-for-ransom (KFR) group habang nakatakas ang dalawa nilang kasama sa enkuwentro ng mga kagawad ng CALABARZON PNP at PNP AKG nitong Lunes ng umaga, sa bayan ng Pililia, lalawigan ng Rizal.

Sugatan din ang pulis na si Pat. Joshua Lingayo  matapos tamaan ng bala sa tiyan at kasalukuyang nagpapagaling sa pagamutan.

Samantala, ligtas na nabawi ang dalawang biktima ng kidnapping na kapwa Filipino-Chinese.

Kinilala ni AKG Director P/BGen. Rudolph Dimas ang dalawang napatay na suspek base sa nakuha sa kanilang identification cards (IDs) na sina Rolly Castillo at Jerameel Ventura.

Dinala ang mga katawan ng mga suspek sa Valencia Funeral Parlor, sa naturang bayan.

Sa ulat ng AKG, dinukot noong 3 Hunyo ng mga suspek ang magpinsang Filipino-Chinese, isang 21-anyos lalaking estudyante at ang 34-anyos negosyante sa San Rafael Village sa Tondo, Maynila gamit ang isang motorsiklo at isang Honda CRV, may plakang XJC 170.

Humingi ang mga kidnaper ng ransom na P100 milyon sa pamilya ng mga biktima at nagkaroon ng negosasyon hanggang magkasundo na magbabayad nitong 13 Hunyo.

Unang napagkasunduan na dadalhin ang ransom money sa Brgy. Turbina, Calamba, Laguna ngunit nagbago ng pasya kaya sa Pakil, Laguna na nakuha ang bayad sa ransom.

Nitong Martes ng madaling araw, 14 Hunyo, pinakawalan ang mga biktima sa harap ng isang mall sa Famy, Laguna.

Lingid sa mga suspek, nakatimbre sa PNP-AKG ang payoff ng ransom money at nasundan ang getaway vehicle ng mga suspek sa isang lugar sa Pililia, kung saan naganap ang enkuwentro na ikinanamatay ng dalawa sa mga suspek.

Narekober mula sa mga napaslang na suspek ang tatlong iba’t ibang kalibre ng baril.

Ikinasa ng mga awtoridad ang isang manhunt operation upang masukol ang dalawang nakatakas na mga suspek.

Ayon sa liderato ng PNP, napakahalaga ng pakikipagkoopersyon ng pamilya ng biktima sa pulisya dahilan para madaling maresolba ang kaso. (EDWIN MORENO)

About Ed Moreno

Check Also

Jenine Desiderio

Jenine aktibo pa rin sa pagkanta

HATAWANni Ed de Leon HINDI namin agad siya nakilala kasi naka-face mask noong makita namin …

Bulacan Police PNP

10 ‘tulak’ sa drug watchlist kinalawit

INARESTO ang 10 indibidwal sa pagpapatuloy ng kampanya ng pulisya sa Bulacan laban sa ilegal …

COMPOSITE SKETCH Marlon Serna

Sa pamamaslang sa hepe ng San Miguel MPS
COMPOSITE SKETCH NG SUSPEK INILABAS

NAGLABAS ang Philippine National Police (PNP) ng composite sketch ng isa sa dalawang suspek na …

Jose Hidalgo Marlon Serna

RD Hidalgo binisita ang burol ng napaslang na hepe ng San Miguel MPS;
Reward para sa mga killers umabot na sa P1.7-M

Nagbigay ng kanyang huling paggalang si Police Regional Office 3 Director PBGeneral Jose S. Hidalgo …

iSCENE 2023 PAPI DOST

Are you ready for the biggest and the smartest 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗘𝘅𝗽𝗼𝘀𝗶𝘁𝗶𝗼𝗻 𝗶𝗻 𝘁𝗵𝗲 𝗣𝗵𝗶𝗹𝗶𝗽𝗽𝗶𝗻𝗲𝘀 this year?

Join us on March 23-25, 2023, in the first ever 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗦𝗺𝗮𝗿𝘁 𝗖𝗶𝘁𝘆 𝗘𝘅𝗽𝗼𝘀𝗶𝘁𝗶𝗼𝗻 𝗮𝗻𝗱 …