Friday , July 1 2022
Dead body, feet

Tinangkang halayin, mag-ina patay suspek nang-agaw ng baril, todas

ni Edwin Moreno

TADTAD ng saksak at tusok sa mga katawan at naliligo sa kanilang sariling dugo nang makita sa loob ng kanilang bahay ang mga bangkay ng mag-ina at sa lungsod ng Antipolo, lalawigan ng Rizal.

Kinilala ni P/Lt. Dominic Blaza, PCP-2 commander, ang mag-inang biktimang sina Anabela Tacuycuy, 59 anyos, at anak na si Ana Lezel Bellena, 19 anyos, kapwa nakatira sa lugar.

Gayundin, napaslang ang suspek na kinilalang si Ramcy Nerves, 49 anyos, land caretaker, at residente ng Sitio Kaysakat lll, Brgy. San Jose, sa nabanggit na lungsod.

Sa naantalang ulat ng pulisya, nabatid na dakong 5:00 ng umaga noong Lunes, nang mangyari ang brutal na krimen sa loob ng bahay ng mga biktima sa naturang lugar.

Napag-alaman ng pulisya na matagal ng manliligaw ng ina ni Lezel ang suspek hanggang sa sapilitang pinasok ang bahay ng mga biktima para umano makipagtalik, ngunit nanlaban si Anabela at tumulong ang anak.

Dahil dito, pinagsasaksak ng suspek ang mga biktima sa katawan at paa tanda na nanlaban ang mag-ina.

Ayon pa kay Blaza, gumagamit din ng droga ang suspek batay sa mga nakuhang shabu paraphernalia at narekober din ang ginamit na kutsilyo.

Dagdag ng mga kaanak, hindi nila akalain na gagawin ito ng suspek sa mga biktima dahil family friend at kapitbahay si Nervez.

Sa follow-up na imbestigasyong isinagawa ng mga awtoridad, nabatid na hindi puwersahang pinasok ng suspek ang bahay kaya sinundan nila ang patak ng dugo kung saan humantong sa bahay ng suspek hindi kalayuan sa mga biktima.

Samantala, nakatakda na sanang kasuhan ng double murder sa korte ang suspek mula sa PCP-2 Police Station sa Cogeo Antipolo nang  bigla umanong mang-agaw ng baril ng arresting officer kaya siya nabaril at napatay ng mga pulis.

About Ed Moreno

Check Also

Lani Cayetano Alan Peter Cayetano Taguig 1

Panunumpa sa tungkulin sa Taguig City

MASAYANG nanumpa si Taguig City Mayor Lani Cayetano kay Hon. Judge Antonio Olivete sa pormal …

Ruffy Biazon Muntinlupa oathtaking 1

PORMAL na nanumpa ang bagong chief executive ng Muntinlupa City

PORMAL na nanumpa ang bagong chief executive ng Muntinlupa City na si Mayor-elect Ruffy Biazon …

Mel Aguilar April Aguilar Las Piñas Feat

Mel at April Aguilar nanumpa sa kanilang tungkulin si Las Piñas City

SABAY na nanumpa sa kanilang tungkulin si Las Piñas City Mayor Imelda “Mel” Aguilar at …

Para sa surgical mission sa Bohol Eye doctors inilipad ng Cebu Pacific

Para sa surgical mission sa Bohol Eye doctors inilipad ng Cebu Pacific

INIHATID ng Cebu Pacific Air sa lungsod ng Tagbilaran, sa lalawigan ng Bohol noong nakaraang …

Bongbong Marcos BBM

Pagbasura sa DQ kay Marcos ‘di nakapagtataka – Makabayan

HINDI, umano, nakapagtataka ang desisyon ng Korte Suprema na ibasura ang mga petisyon na idiskalipika …