Thursday , February 9 2023
llegal quarrying tuloy pa rin (Raid sa Montalban, moro-moro) Edwin Moreno photo

LLEGAL QUARRYING TULOY PA RIN
Raid sa Montalban, moro-moro

BINATIKOS ng netizens at sinabing moro-moro ang isinagawang raid ng mga awtoridad sa ilegal na quarrying site sa Brgy. San Isidro, sa bayan ng Rodriguez (Montalban), lalawigan ng Rizal.

Nabatid na naunang nasamsam ng mga operatiba ang mga heavy equipment at produktong mineral na aabot sa P36.4 milyon habang nadakip ang 12 trabahador ng ilegal na quarry operation.

Sa ulat, kinilala ang mga naarestong trabahador na sina Ericson Cinco, Raul Garcia, Windel Bueno, Pablo Rimorin, Nico Yunapa, Roldan Bonife, Dexter Colas, Jojie Manzanillo, Albert Esto, Fernando Lopez, Randy Caganan, at Danieboy Alejandro, pawang mga driver at equipment operators.

Hindi binanggit kung sino ang may-ari ng kompanyang ilegal na nagka-quarry sa lugar.

Nakompiska ng magkasanib na Environment Crime Division (EMD) ng NBI ang 13 backhoe, tatlong bulldozer, isang drill rig, anim na dump truck, anim na conveyor belt, 40 cubic meters na manufactured sand, at 9,000 cubic meters extracted at liberated aggregates.

Nakatanggap ng impormasyon ang pamunuan na mayroong grupo na nag-o-operate ng ilegal na pagmimina at mineral extraction sa nabanggit na lugar.

Lumilitaw na wala umanong permit sa Mines and Geosciences Bureau at lokal na pamahalaan ng Rodriguez (Montalban), Rizal.

Samantala, umani ng iba’t ibang reaksiyon mula sa netizens ang operasyon ng kagawaran.

Ayon kay Rodel de Viana, bakit hindi umano hinuli ang mismong operator dahil tuwing madaling araw ay punong-puno ng mga buhangin ang mga truck at kalbo na umano ang bundok dito.

Sasampahan ng kasong paglabag sa RA 7942 o Philippine Mining Act ang mga nadakip na suspek. (EDWIN MORENO)

About Ed Moreno

Check Also

Minahan ng apog sa Danao, Cebu gumuho
PASTOLERA NG BABOY NATABUNAN, PATAY

PATAY ang isang 46-anyos babaeng nagpapastol ng mga alagang baboy nang gumuho ang minahan ng …

baby old hand

Natagpuan sa landfill
BABY BOY IKINAHON SA STYROBOX

WALA nang buhay nang matagpuan ng isang scavenger ang isang bagong silang na sanggol na …

Illegal mining ops sa Sibuyan ipinatigil 2

Sa marahas na police dispersal sa Sibuyan
2 KALAHOK SA HUMAN BARRICADE VS ILLEGAL MINING SUGATAN

SUGATAN ang dalawang lumahok sa barikada kontra ilegal na pagmimina na binuo ng mga residente …

Illegal mining ops sa Sibuyan ipinatigil

Illegal mining ops sa Sibuyan ipinatigil

MATAPOS magkaroon ng sagupaan sa pagitan ng mga pulis at mga residente ng Isla ng …

Bulacan Police PNP

11 pasaway sa Bulacan nalambat

MAGKAKASUNOD na nadakip ng mga awtoridad ang 11 indibidwal na pawang may paglabag sa batas …