Wednesday , December 8 2021
Owner, caretaker, 21 ‘basketbolista’ sa Pasig inaresto (Sports arena binuksan kahit MECQ)

Owner, caretaker, 21 ‘basketbolista’ sa Pasig inaresto (Sports arena binuksan kahit MECQ)

HAHARAPIN ng may-ari at ng caretaker ng isang sports arena sa lungsod ng Pasig ang kasong paglabag sa EO No. PCG-66 ng RA 11332 ng Inter-Agency Task Force (IATF) matapos payagang maglaro ng basketball at magpustahan ang may 21 katao sa kanilang pasilidad, sa gitna ng umiiral pang modified enhanced community quarantine (MECQ) sa Metro Manila.

Kinilala ni P/Col. Roman Arugay, hepe ng Pasig police, ang dinakip na may-ari ng Metro Asia Arena na si Albert Dy, at caretaker na si Elmer Mendoza.

Samantala, pinauwi ang 21 kataong nahuling naglalaro ng basketball kabilang ang dalawang menor de edad matapos magnegatibo sa CoVid-19 antigen test.

Dakong 8:00 pm nitong Linggo, 5 September, pinagdadampot ng mga awtoridad mga naglalaro ng basketball sa Metro Asia Sports Arena sa Elisco Rd, Brgy. Kalawaan, sa nabanggit na lungsod.

Ayon kay Arugay, ipinaabot sa pulisya ang reklamo ng isang concerned citizen na mayroong mga naglalaro ng basketball sa lugar na direktang pagsuway sa Executive Order No. PCG-66, at sa kasalukuyang umiiral na MECQ sa Metro Manila, pati na ang paglabag sa health protocols.

Nasa aktong naglalaro at nagpupustahan sa basketball ang mga suspek nang arestohin ng mga kagawad ng pulisya.

Agad dinala ang 21 violators sa Child’s Hope Hospital para sa antigen test upang matiyak na negatibo sila sa CoVid-19 virus, na agad din pinauwi.

Kasalukuyan nang nakapiit ang may-ari at caretaker ng sports arena para sampahan ng kaukulang kaso sa hukuman. (EDWIN MORENO)

About Ed Moreno

Check Also

DonBelle Donny Pangilinan Belle Mariano

Donbelle hinuhulaang magiging number 1 loveteam sa 2022

MA at PAni Rommel Placente KASAMA ang comedian-director na si John ‘Sweet’ Lapus sa pelikulang Love Is Color …

120821 Hataw Frontpage

Pari gustong ipalit ni Duterte kay Duque

ni Rose Novenario INALOK ni Pangulong Rodrigo Duterte si Dominican priest at molecular biologist Fr. …

Las Piñas Enhanced Kadiwa Inclusive Food Supply Chain Program

Para sa food security
LAS PIÑAS CITY PUMIRMA NG MOA SA DA

NILAGDAAN ng Las Piñas city government at ng Department of Agriculture (DA) ang isang memorandum …

Rida Robes

Pagbabakuna sa mga batang edad 5-11 anyos unahin bago face-to-face classes – Robes

UMAPELA si San Jose Del Monte City Rep. Florida “Rida” P. Robes sa Inter-Agency Task …

Comelec

Ex-CJ sa Comelec
DQS VS BBM RESOLBAHIN

HINIMOK ni retired chief justice Artemio Panganiban ang Commission on Elections (COMELEC) 2nd Division na …

Leave a Reply