Sunday , March 26 2023
Duterte, Face shield

LGU order vs mandatory face shield policy, ‘null and void’ – Palasyo

NULL and void o walang bisa kaya’t hindi puwedeng ipatupad ang kautusan ng pamahalaan ng mga lungsod ng Maynila at Davao na hindi na mandatory ang pagsusuot ng face shield dahil labag ito sa ipinaiiral na patakaran ng Inter-Agency Task Force (IATF) for the Management of Emerging Infectious Diseases.

Inihayag ito ni Presidential Spokesman Harry Roque kahapon kasunod ng executive order na nilagdaan ni Manila Mayor Francisco “Isko” Domagoso na nagsasaad na ‘non-mandatory’ na ang pagsusuot ng face shield maliban sa mga ospital gayondin sa executive order na inilabas ni Davao City Mayor Sara Duterte na optional na lamang ang pagsusuot ng face shield.

“Null and void po (siya) for being in violation of an existing executive policy decreed by the President himself in the exercise of police powers,” sabi ni Roque sa virtual Malacañang press briefing kahapon.

“Lahat po ng mayor ay under po the control and supervision of the President in the executive branch of government. At ang desisyon naman po ng IATF ay desisyon din ng ating Presidente,” dagdag niya.

Nanawagan si Roque sa mga alkalde na ipatupad ang pagsusuot ng face shield sa kanilang nasasakupan habang pinag-aaralan pa ng IATF kung tatanggalin ang naturang patakaran.

Ilang oras matapos ang ‘null and void statement’ ni Roque ay muling inihayag ni Moreno na hindi iuurong ang pagpapatupad ng kanyang EO na nag-aalis sa mandatory na pagsusuot ng face shield.

Ikinatuwiran ng alkalde na nasa kapangyarihan ng mayor na bigyang proteksiyon ang kapakanan ng mga mamamayan, batay sa Local Government Code.

“Well, he is entitled to his opinion. As far as the Local Government Code is concerned, it is within the power of the local chief executive under Section 16, the general welfare clause. His opinion is as good as mine,” ani Moreno.

“We, the local government units and all other elected officials, have a responsibility to take care of our people,” giit niya.

Hinamon ni Moreno si Roque na suspendihin muna ang isang alkalde na naunang naglabas ng EO laban sa mandatory use of face shield.

“Puwede naman nila subukan. Well, wala naman makapipigil sa kanila. Dapat may suspendihin muna silang isang Mayor,” aniya.

Irerekomenda rin ng Metropolitan Manila Development Authority (MMDA) sa IATF ang pagtatanggal sa mandatory use of face shield sa National Capital Region maliban sa itinuturing na “critical places” gaya ng mga ospital, barangay health centers at public transportation, ayon kay MMDA Chairman Benhur Abalos.

Pinaboran ni vaccine czar Carlito Galvez Jr ang nasabing panukala ng MMDA.

Nauna rito’y sinabi ni Department of Interior and Local Government (DILG) Usec. Jonathan Malaya na ipapanukla ni DILG Secretary Eduardo Año sa IATF ang pagtatanggal ng mandatory face shield policy sa IATF.

About hataw tabloid

Check Also

iSCENE 2023 PAPI DOST

Are you ready for the biggest and the smartest 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗘𝘅𝗽𝗼𝘀𝗶𝘁𝗶𝗼𝗻 𝗶𝗻 𝘁𝗵𝗲 𝗣𝗵𝗶𝗹𝗶𝗽𝗽𝗶𝗻𝗲𝘀 this year?

Join us on March 23-25, 2023, in the first ever 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗦𝗺𝗮𝗿𝘁 𝗖𝗶𝘁𝘆 𝗘𝘅𝗽𝗼𝘀𝗶𝘁𝗶𝗼𝗻 𝗮𝗻𝗱 …

Mr Freeze Gerry Santos Ivy Ataya Joyce Selga

Mr Freeze BFF ng mga sikat sa showbiz

NAALIW kami kay Mr Gerry Santos aka Mr Freeze sa mediacon ng kanyang Negosyo Goals show sa AllTV na napapanood tuwing Linggo, 11:30 a.m.. Matatawag …

electricity meralco

Karapatan ng consumer mangingibabaw kontra prangkisa

IGINIIT ni Puwersa ng Bayaning Atleta partylist Rep. Margarita Nograles, ang kapakanan ng mga residente …

Bulacan Police PNP

Kampanya kontra krimen sa Bulacan
11 tulak, 2 wanted, 2 sugarol timbog

SUNOD-SUNOD na pinagdadampot ang 11 hinihinalang drug dealer, siyam na pinaghahanap ng batas, at dalawang …

Derek Ramsay Mr Freeze Gerry Santos

Mr Freeze pinatunayang ayaw na ni Derek sa showbiz: Enjoy siya sa pagiging family man

KINOMPIRMA ng kaibigan ni Derek Ramsay na si Mr Freeze Gerry Santos na ayaw na talaga ng aktor ang …