Thursday , October 21 2021
Alfred Vargas
Alfred Vargas

Cong Alfred naiyak nang magtapos ng MA sa UP

KITANG-KITA KO
ni Danny Vibas

KUNG ang college diploma ng world boxing champion-senator na si Manny Pacquiao ay kinukywestyon ang legalidad, malamang naman ay ‘di mangyayari ‘yon kay Quezon City Congressman Alfred Vargas.

Naganap noong Linggo ng umaga, July 25, ang virtual graduation ni Alfred para sa kanyang master’s degree sa University of the Philippines National College of Public Administration and Governance (NCPAG). Masaya si Alfred dahil ang master’s degree ang katuparan ng pangako niya sa kanyang ina, si Atty. Susana “Ching” Vargas, na namayapa noong March 2014 dahil sa kanser.

Pahayag ng actor-politician sa social media, ”May master’s degree na ako and this is a very big deal for me kasi hindi madali.

“Napakalaking challenge pero talagang bawat minuto, bawat segundo ng buhay ko, inilaan ko sa mga importanteng bagay sa buhay ko.

“Finally, after a few years, I’m able to graduate na from UP, and dream ko naman talagang maka-graduate sa University of the Philippines.”

Ginunita n’yang sa Ateneo de Manila University siya nagtapos ng bachelor’s degree niya noong 2002, at ang pangarap ng butihin n’yang ina ay tumuloy siya sa law school ng Ateneo. 

“Pero  dumiretso ako sa pag-aartista. ‘Yung mother ko, lawyer. Medyo bumigat ‘yung loob niya. Medyo nagalit siya sa akin, as in nagkaiyakan pa kami before.

“Pero noong napanood niya ako, lalo na sa ‘Encantadia,’ sabi niya, ‘Sige, okey lang. Basta, kahit hindi ka mag-law school, just promise me you will pursue graduate studies.’

“Ngayong 2021, this is a promise fulfilled to my mom.

“Ang mommy ko, sa UP siya nag-pre-law, tapos sa Ateneo siya nag-law proper.

“Ako naman, undergrad ko Ateneo, tapos graduate studies ko, sa UP.”

Ayon pa kay Alfred, napaluha siya sa nangyaring virtual graduation dahil naalala niya ang kanyang mga pumanaw na magulang.

“Kanina, nang kumakanta na kami ng ‘UP Naming Mahal,’ at saka noong nanunumpa na ako, medyo emotional ako, naiiyak ako.

“Sabi ko, sayang, super sayang, sana nandito si Mom at saka ‘yung daddy ko. Sana nandito sila, buhay sila para makita ito. Roon ako naiyak, honestly.”

Noong oras na ‘yon ng virtual graduation n’ya, mag-isa lang siya sa office n’ya. Eh, nasaan ang pamilya n’ya? 

Pagtatapat n’ya, “’Yung mga anak ko nagre-ready sila, mayroon kaming maliit na graduation party sa bahay. ‘Yung mga anak ko, naghanda ng balloons, at saka cake.

’Yung feeling ko, I’m proud, at the same time, masayang-masaya. Pero ‘yun lang ang ikinalungkot ko ngayon kasi wala ‘yung nanay ko.

“Siguro kahit virtual graduation siya, hindi naman nawala ‘yung pagka-special niya.”

Pag-amin pa n’ya, ”Na-miss ko rin ‘yung classmates ko na sana mga katabi ko. Pero I’m still very very grateful. Hinding-hindi ko makakalimutan ang araw na ‘to.”

O, may maikukwento kayang ganyan si Senator Pacquiao kung paano siya gumradweyt supposedly sa Political Science sa University of Makati?

Pero kaya lang naman kinukuwestyon ang legitimacy ng bachelor’s degree ni Sen. Pacquiao ay dahil sa pagbabando n’yang kakandidato siya sa pagkapangulo ng bansa sa eleksiyon sa Mayo 2022.

About Danny Vibas

Check Also

Blind Item, Male Celebrity

Frustrated male new comer no pansin na sa gays kahit mababa ang presyo

FRUSTRATED actor, singer, at commercial model siya, na talagang pinangarap niya pero hindi naman niya naabot …

Jace Flores

JACE FLORES ITINANGGI NG GMA, ‘DI KONEKTADO SA NETWORK

HATAWANni Ed de Leon NAGPALABAS na ng isang official statement ang GMA Network, na si Reynaldo Flores, …

Cassy Legaspi, Beautederm, Rhea Tan

CASSY LEGASPI, SOBRANG NA-IN LOVE SA MGA PRODUKTO NG BEAUTÉDERM

ALAM MO NA!ni Nonie Nicasio IPINAHAYAG ng young actress na si Cassy Legaspi na sobrang happy …

Gretchen Barretto, Dominique Cojuangco, Michael Hearn

GRETCHEN MALUNGKOT NA EXCITED SA KASAL NG ANAK

SHOWBIZ KONEKni Maricris Valdez Nicasio INAMIN ni Gretchen Barretto na hindi pa rin siya makapaniwala hanggang ngayon …

Blind Item gay sex

AKTOR WALANG TAKOT MAKIPAG-SEX BASTA MAY BAYAD

INAAMIN naman daw ng bi-sexual na male star na kuntento siya sa naging fling nila ng isang male star na …

Leave a Reply