Thursday , December 9 2021
John Lloyd Cruz Ellen Adarna Kiss
John Lloyd Cruz Ellen Adarna Kiss

John Lloyd, wala nang interes sa showbiz

KUNG iisipin mo, wala pa ring pormal na pag-amin si John Lloyd Cruz na may anak na siya kay Ellen Adarna. Bagama’t doon nga papunta ang lahat ng indikasyon at isang taon na halos niyang tinalikuran ang kanyang career para walang makapakialam sa sitwasyon nila ni Ellen, wala silang anumang sinasabi talaga.

Ang naglalabasan ay puro mga tsismis lamang at mga impormasyong nagmumula sa mga third parties. Kaya nga ang pumapatol lang naman sa mga kuwentong iyan ay iyong mga blogger eh, kasi iyong mga lehitimong peryodista, hindi papatol sa hindi sigurado.

Kagaya nga noong nakaraang linggo na may lumabas na mga picture sina John Lloyd at Ellen na may dalang isang bata sa beach, may espekulasyon na iyon na nga ang kanilang anak, pero sa kanilang post mismo ay wala silang sinabing iyon ang anak nila.

Noong isang araw, may lumabas ding post ni John Lloyd na nagsulat ng ilang linyang tula na sinasabi niyang, “para kay Elias.” May nagsabi agad na umamin na si John Lloyd dahil ang batayan lang naman ay ang tsismis na ang kanilang anak na pinangalanan nilang “Elias Modesto.” Pero kung titingnan mong mabuti, wala namang pag-amin.

Pero ano pa nga ba ang inaasahan natin kay John Lloyd? Oo nakapanghihinayang ang kanyang career bilang isang actor, kasi established actor na sana siya. Hindi bale si Ellen na mga minor role pa lamang naman ang nagagawa. Pero maliwanag na wala na siyang intensiyong maging isang artista. Gusto na niya ang isang tahimik na pamumuhay. Nagpipinta siya. Happy na siya sa simpleng buhay. Nakakapaglakad siya kung saan niya gusto. Nagagawa na niyang kumain ng balot sa bangketa. Hindi niya magagawa ang lahat ng iyan kung artista pa siya.

Sa ngayon, iyon ang mas maliwanag. Wala nang interest sa showbiz si John Lloyd.

HATAWAN
ni Ed de Leon

About Ed de Leon

Check Also

Paolo Valenciano Samantha Godinez

Paggawa ng bagong baby nina Paolo at Samantha naunsiyami

HARD TALKni Pilar Mateo  “T HE whole 2020 was a blur!  Nangyari ba talaga ito?” ang nasabi ng …

Angelo Carreon Mamay

Angelo Carreon Mamay, pinarangalan bilang Outstanding Youth Leader of the Year

ALAM MO NA!ni Nonie V. Nicasio PINARANGALAN kamakailan sa 3rd Laguna Excellence Award si Angelo Carreon Mamay, bilang …

Blind Item, excited man

Aktor kinababaliwan, pero ‘di maitago ang pagiging Reyna ng Malate

HATAWANni Ed de Leon NAGSISIKAP si male star na itago ang tunay niyang pagkatao, kasi sa panahon nga …

Yorme manalo-matalo win-win ang industriya

HATAWANni Ed de Leon MAGANDA iyong sinabi ni Yorme Isko Moreno, na kung siya raw ay hindi mananalong …

Vilma Santos

Ate Vi tututukan ang pagpo-produce, industriya ibabangon

HATAWANni Ed de Leon DESIDIDO si Ate Vi (Congw. Vilma Santos) na magbalik na nga sa showbusiness. Babalikan niya …

Leave a Reply