Sunday , December 4 2022
Ellen Adarna
Ellen Adarna

Ellen magdedemanda sa maling RT-PCR test

HATAWAN
ni Ed de Leon


LALO yatang lumaki ang gulo dahil ngayon balak magdemanda ni Ellen Adarna dahil daw sa maling RT-PCR test na ginawa sa kanya at sa kanyang yaya habang nasa lock-in taping sila ng inalisan niyang show. “false positive” raw ang resulta ng test sa kanya na talagang mali naman.

Balak din daw niyang idemanda ang mga may kinalaman sa produksiyon dahil maraming hindi naipatutupad na safety protocols sa set lalo na’t tapos na ang eksena.

Palagay nga namin, iyan ang balik ni Ellen sa sinasabi ng iba na wala siyang pakisama, at sa mga nasabi ng komedyanteng si Long Mejia, kahit na nga humingi na iyon ng dispensa matapos na amining hindi niya alam ang puno’t dulo ng mga pangyayari. Kaya sigurado mayroon nga sa production staff na nag-feed din ng mali kay Long.

Karapatan naman ni Ellen na magsampa ng demanda matapos ang lahat ng hindi magandang nasabi sa kanya na galing mismo sa produksiyon ng kanilang sitcom, pero ano ang magiging balik niyon kay Ellen?

Kung totoo ngang hindi magtatagal at magpapakasal na si Ellen kay Derek Ramsey, maaaring tumigil na rin siya sa pag-aartista, ibig sabihin wala nang magiging epekto pa sa kanya ang gagawin niya. Kung siya naman ay mananatiling artista, mas mabuti siguro magsawalang kibo na lang siya, tutal naman umamin na ang mga taong nagkamali sila.

Kung idedemanda niya ang produksiyon, maaari siyang pangilagan ng ibang production company kasunod niyon, at maaaring gawin nila iyon dahil sa totoo lang hindi naman masasabing star si Ellen na siyang babatak ng audience talaga. Puwede siya talagang palitan.

Iyan namang mga ganyang problema sa showbusiness, talagang nangyayari iyan. Nagkakaroon talaga ng friction kadalasan dahil sa pressure ng trabaho sa set, lalo na ngayon na may pandemya at naka-lock-in sila sa taping, gayunman hindi mo rin maiaalis ang pagka-inip, at pagka-inis na rin. Natural na rin naman iyong marami ang umiinit ang ulo.

Sana magkabigayan na lang, after all sila naman ang magkakasama.

About Ed de Leon

Check Also

Ai Ai de las Alas Gerald Sibayan

Ai Ai at Gerald nag-renew ng vows sa LA

I-FLEXni Jun Nardo NAGKAROON ng renewal of vows ang mag-asawang Ai Ai de las Alas at Gerald Sibayan sa …

Vina Morales

Vina ‘di masamang magka-BF

HATAWANni Ed de Leon MAY bago na nga bang boyfriend si Vina Morales? Hindi lang naman …

Jake Cuenca Baron Geisler

Jake Cuenca ‘di na umiinom, naging motivation si Baron

MATABILni John Fontanilla ISINAPUBLIKO ni Jake Cuenca na isa’t kalahating taon na siyang hindi umiinom ng alak. …

Michelle Aldana

Michelle Aldana balik-South Africa na

I-FLEXni Jun Nardo BUMALIK na sa South Africa ang beauty queen-turned actress na si Michelle Aldana at …

Andrea Torres Rabiya Mateo Max Collins

Andrea, Rabiya, at Max umaariba ang career kahit sawi ang mga lovelife 

I-FLEXni Jun Nardo PUSONG-SAWI man pagdating sa kanya-kanyang lovelife, umaaribang career naman ang isinukli sa …

Leave a Reply