HATAW! D'yaryo ng Bayan hatawtabloid.com
TAWA kami ng tawa kay Ogie Diaz nang maimbitahan para ipakita ang bagong Meerah Khel Studio para sa workshoppers.
Natanong kasi namin kung sino pa ang gusto niyang makatrabaho sa rami na ng artistang nakasama niya sa pelikula at teleserye.
Kaagad niyang binanggit ang pangalan ni Piolo Pascual dahil hindi pa niya nakakasama ito.
Hirit naman ng isang katoto, ‘hindi ba’t magkasama kayo sa ‘Home Sweetie Home?’ na kaagad sinagot ni Ogie ng, “wala na ako roon.”
Ginagampanan ni Ogie ang karakter na Boss Paeng bilang boss ni John Lloyd Cruz sa Home Sweetie Home. Kasama rin sina Toni Gonzaga as Julie na asawa ni Romeo (JLC) at si Ellen Adarna bilang sekretarya sa opisina.
Birong kuwento ni Ogie,”Ito kasing John Lloyd, eh inano si Ellen (Adarna).” Dahilan kaya nawala na siya sa sitcom.
‘E di ba’t ikaw kasi nag-reto, sabi namin.
“Ang gaga-gaga ko kasi. Siyempre maski na (ireto) malalaki na sila, hindi na sila menor de edad na ma-convince ko, nasa sa kanila rin ‘yun.
“Nagkataon lang na sinabi ko na kay John Lloyd na, “medyo ano ka na may edad ka na Lloydie ha, wala ka pang anak! Sabi niya, ‘oo nga, eh. Gusto na nga ng mommy ko, eh, kahit walang kasal.’
“Sabay sabi ko kay Ellen, ‘e, ikaw naman ‘Day, sabi niya (Ellen), ‘ako okay lang (magka-anak) kahit walang asawa.’ Tapos sabi ko kay Lloydie, ‘o gusto mong magka-anak, o ‘yun naman pala, oh.’ Hayan, ako tuloy naapektuhan, wala na tuloy akong taping,” tumawang kuwento ni Ogie.
Dagdag pa, ”feeling ko type nila talaga ang isa’t isa, nagkatitigan na ‘yan.”
Tama rin naman.
FACT SHEET
ni Reggee Bonoan
