Thursday , December 2 2021

Ex-editor, utol binistay ng ‘hired killer’


PATAY ang dating editor ng Business World na kasalukuyang consultant ng Department of Finance, at kapatid niyang negosyante, makaraan pagbabarilin ng hindi nakilalang riding-in-tandem habang sakay ng kotse sa San Juan City, kamakalawa.

Kinilala ni EPD director, C/Supt. Romulo Sapitula, ang mga biktimang sina Michael Marasigan, dating editor ng Business World na kasalukuyang consultant ng DoF, at kapatid niyang negosyante na si Christopher.

Sa ulat ni S/Supt. Lawrence Coop, chief of police ng San Juan PNP, dakong 6:00 pm kamakalawa nang pagbabarilin ang magkapatid habang sakay ng metallic gray na CC5 Mazda (PN WOU-583) sa kanto ng V. Cruz at Barcelona streets, Brgy. Sta. Lucia, sa lungsod.

Nakuha sa crime scene ang 34 basyo ng bala, apat dito ay mula sa caliber .45, habang ang 30 basyo mula sa 9mm pistol.

Pagkaraan ng insidente, tumakas ang mga suspek na hinihinalang professional hired killer base sa estilo nang pamamaril sa mga biktima, sakay ng motorsiklong walang plaka, at kapwa naka-bonnet ang mukha.

Hindi pa tiyak ng mga awtoridad ang motibo sa insidente na masusing iniimbestigahan.

ni ED MORENO

ARCHITECT
ITINUMBA
SA MAKATI

BINAWIAN ng buhay ang isang architect makaraan pagbabarilin ng hindi nakilalang riding-in-tandem sa Makati City, kamakalawa ng gabi.

Kinilala ng mga awtoridad ang biktimang si Rodel Mallari, 48, may asawa, residente sa 2196 F. Zobel St., San Miguel Village, ng nasabing lungsod.

Sa ulat na nakarating sa Southern Police District (SPD), nangyari ang pamamaril sa Gil Puyat Avenue, Brgy. San Isidro, Makati City, dakong 8:00 pm

Minamaneho ni Mallari ang kanyang gray Toyota Vios (NXI-128) nang harangin ng isang motorsiklong sakay ang dalawang armadong lalaki.

Isa sa mga suspek ang bumunot ng baril saka niratrat ng bala ang biktima.

Makaraan ang pamamaril, tumakas ang mga suspek sa hindi nabatid na direksiyon.

Masusing sinisiyasat ng Makati City Police ang posibleng motibo sa pagpaslang sa biktima.

(JAJA GARCIA)

About Ed Moreno

Check Also

Benhur Abalos MMDA

Number coding scheme (UVVRP) muling ipatutupad ng MMDA

MULING ipatutupad ngayong araw ng Miyerkoles, 1 Disyembre 2021, ng Metropolitan Manila Development Authority (MMDA) …

Kalayaan Pagasa Deped

Sa Pag-asa Island, Kalayaan
ELEMENTARY & HS INTEGRATED SCHOOL SA PAG-ASA ISLAND, APRUB SA DEPED

NABIGYAN ng pag-asa para sa isang maayos na buhay ang kabataan ng Pag-asa Island sa Kalayaan …

Sa Malabon
2 TULAK ARESTADO SA P.3-M SHABU

KULUNGAN ang binagsakan ng dalawang tulak ng ipinagbabawal na droga nang makuhaan ng mahigit sa …

Janitor todas sa boga ng Jaguar

ISANG janitor ang pinagbabaril ng isang guwardiya PINAGBABARIL ang isang janitor, na ikinahulog nito mula …

Ayuda ginasta sa toma
KUYA PATAY SA SAKSAK NG KAPATID

PATAY agad ang isang magsasaka sa bayan ng Allacapan, lalawigan ng Cagayan, matapos saksakin ng …

Leave a Reply