Wednesday , July 17 2024

Bisor 7-oras nakulong sa elevator ng nasusunog na gusali

NAILIGTAS nang buhay ng mga bombero ang plant supervisor na pitong oras nakulong sa elevator ng nasusunog na gusali sa Pasig City nitong Sabado ng umaga.

Labis ang pasasalamat ni Jovil Ong, plant head supervisor, sa mga sumagip sa kanya makaraan ang halos pitong oras na pagkaka-trap sa elevator sa ika-anim na palapag ng nasunog na Verizon Building sa J. Caparas St., Brgy. Ugong.

“Huwag kang mawalan ng pag-asa sa mga nagre-rescue,” pahayag ni Ong.

Kinailangan pang gumamit ng mga bombero ng aerial platform para maabot ang nasunog na ika-anim palapag ng gusali.

Hinaluan din ng kemikal ang tubig para mabilis na maapula ang apoy na umabot sa ika-limang alarma.

Bago mag-6:00 am laking tuwa ng pamilya ni Ong nang makita siyang lumabas kasama ang mga bombero sa binasag na salamin ng bintana.

Tinatayang nasa P5 milyon ang halaga ng ari-arian ang naabo sa sunog na nagsimula pasado 10:00 pm nitong Biyernes.

Idineklarang kontralado ang apoy bandang 6:00 am kahapon.

Patuloy na inaalam ng mga awtoridad ang pinagmulan ng apoy.

Samantala, isang SFO2 Valiente ang isinugod sa ospital nang ma-suffocate sa makapal na usok habang inililigtas si Ong.

( ED MORENO )

2 SUGATAN, 350 PAMILYA NASUNUGAN SA KYUSI

UMABOT sa 350 pamilya ang nawalan ng bahay habang dalawa katao ang sugatan sa naganap na sunog sa Quezon City kamakalawa ng gabi.

Sa ulat kay QC Fire Marshal, Senior Supt. Jesus Fernandez, dakong 9:30 p.m. kamakalawa nang mag-umpisa ang sunog sa 2-storey apartment na inuupahan ni Bermin Jimenez sa Everlasting St., Brgy. Central, Quezon City.

Mabilis na kumalat ang apoy at nilamon ang mga katabing 125 bahay na gawa sa light materials.

Sa inisyal na imbestigasyon, hinalang problema sa koneksiyon sa koryente ang sanhi ng sunog mula  sa kisame ng bahay ni Jimenez.

Dumanas ng 1st degree burn sina Francis Shane Dela Torre, 12, at Melvin Ramirez, 26-anyos.

Naapula ng mga bombero ang apoy dakong 12:15 a.m. kahapon.

Umaabot sa halagang P1 milyon ang naabong mga ari-arian sa nasabing insidente.

( ALMAR DANGUILAN )

About Ed Moreno

Check Also

Eng Bee Tin

Unang “National Hopia Day” celebration sa 19 Hulyo pangungunahan ng Eng Bee Tin

GAGANAPIN ang kauna-unahang selebrasyon ng “National Hopia Day” sa Filipinas sa 19 Hulyo 2024, na …

21 Mobile Primary Clinic ipinagkaloob ikinalat sa Gitna at Hilagang Luzon

21 Mobile Primary Clinic ipinagkaloob ikinalat sa Gitna at Hilagang Luzon

IPINADALA ni Pangulong Ferdinand Marcos, Jr., sa pamamagitan ni First Lady Liza Araneta-Marcos ang 21 …

Sa Bataan LOLONG TULAK, 2 GALAMAY TIKLO SA BUYBUST

Sa Bataan
LOLONG TULAK, 2 GALAMAY TIKLO SA BUYBUST

NADAKIP ang isang senior citizen na sangkot sa ilegal na droga at dalawa niyang kasabwat …

Sa Bulacan 7 SUSPEK SA DROGA, 2 KAWATAN TIMBOG

Sa Bulacan
7 SUSPEK SA DROGA, 2 KAWATAN TIMBOG

ARESTADO ang pitong indibidwal na pinaghihinalaang pawang mga sangkot sa pagtutulak ng ilegal na droga, …

shabu drug arrest

Sa crackdown ng PRO3  
4 DAYUHAN, 1 TULAK NASAKOTE SA DROGA

NASUKOL ng mga awtoridad ang limang hinihinalang tulak ng ilegal na droga na kinabibilangan ng …

Leave a Reply

Your email address will not be published. Required fields are marked *