6-anyos nene nalunod sa family outing

NAGA CITY – Hindi na umabot nang buhay sa ospital ang 6-anyos batang babae makaraan malunod sa isang resort sa Sta. Elena, Camarines Norte kamakalawa.

Kinilala ang biktimang si Mary Angela Marmol.

Napag-alaman, nagtungo sa Niogan Garden Resort ang biktima kasama ang kanyang pamilya upang mag-outing.

Ngunit hindi napansin ng mga kaanak na nahulog sa swimming pool ang biktima kasama ang 6-anyos din niyang pinsan.

Agad nasagip ang pinsan ngunit wala nang malay ang biktima nang maiahon.

Sinubukan pa sanang itakbo sa ospital ang biktima ngunit idineklarang dead on arrival ng mga doktor.