Friday , January 27 2023

14 patay sa diarrhea outbreak sa Zambo

ZAMBOANGA CITY- Patuloy na tumataas pa rin ang bilang ng mga pasyenteng natatanggap ng mga pagamutan sa Zamboanga City dahil sa diarrhea outbreak na ang severe rotavirus disease pa rin ang lumalabas na pangunahing sanhi ng naturang kumakalat na sakit.

Ayon kay Zamboanga City Health Officer Dr. Rodel Agbulos, sa kasalukuyan ay umaabot na sa 14 pasyenteng nakaranas ng diarrhea ang namatay, at karamihan aniya ay mga bata.

Habang hindi bababa sa 2,000 ang bilang ng mga pasyente na nakaranas ng diarrhea simula pa noong buwan ng Marso.

Una na ring kinompirma ni Dra. Agnes Mabolo ng Local Health Support Unit ng Department of Health (DoH), ang tubig sa lungsod na ginamamit ng mga residente ang nagpositibo sa rotavirus.

Inihayag ni Mabolo, mismong ang mga tauhan ng Research Institute for Tropical Medicine (RTMI) mula sa central office ng DoH ang pumunta sa Zamboanag City para magsagawa ng pangalawang laboratory examination upang matukoy kung ano talaga ang dahilan sa diarrhea outbreak sa lungsod.

Lumabas na sa 20 hanggang 30 sample na isinailalim sa laboratory examination, 65 porsiyento ang nagpositibo sa ‘fecal material’ o dumi mula sa tao o hayop.

Nilinaw ni Dr. Agbulos, kung ikukumpara sa buwan ng Marso at Abril, bumababa na sa ngayon ang bilang ng mga pasyente na pumupunta sa mga ospital na nakararanas ng gastroenteritis.

Habang tumataas naman ngayon ang may dengue kaya puspusan na rin ang ginagawang paraan ng CHO para mapigilan ang pagkalat ng naturang sakit.

About Hataw News Team

Check Also

Arnell Ignacio OWWA

Health and wellness ng mga OWWA employee tututukan ni Admin Arnell

SHOWBIZ KONEKni Maricris Valdez Nicasio NAKABIBILIB ang concern ni Overseas Workers Welfare Administration (OWWA) Arnell Ignacio hindi …

SAF 44 National Day of Remembrance bulacan

Bulacan cops ginunita ang Fallen SAF 44 sa National Day of Remembrance

PARA sa National Day of Remembrance ng 44 na miyembro ng Special Action Force (SAF), …

Arrest Posas Handcuff

Puganteng rapist at kilabot na kawatan, timbog

Dalawang lalaki na kabilang sa most wanted person sa Bulacan ang magkasunod na naaresto sa …

dead gun

Ika-5 suspek sa pagpatay sa 2 pulis sa Mabalacat, Pampanga, patay sa shootout

ANG ikalimang  suspek at lider ng Flores group na pumatay sa dalawang anti-drug cops ng …

dead gun

Wanted patay sa engkuwentro

Patay ang  lalaking wanted sa kasong robbery nang manlaban sa mga awtoridad na aaresto sa …

Leave a Reply