OFWs sa Hong Kong nagprotesta vs BoC

NAGKILOS-PROTESTA ang overseas Filipino workers (OFW) sa Hong Kong kahapon laban sa anila’y “oppressive” taxation at inspection na nais ipatupad ni Customs Commissioner Alberto Lina sa balikbayan boxes.

Ayon sa Migrante Hong Kong, sinimulan ng OFWs ang demonstrasyon dakong 11 a.m. sa Chater Road at nagtungo sila sa Philippine consulate general para sa programa.

Panawagan ng grupo sa pamahalaan ni Pangulong Benigno “Noynoy” Aquino III, bawiin ang target ng BoC na makakolekta ng buwis nang hanggang P600 milyon mula sa Balikbayan boxes.