2 patay, 3 sugatan sa motorsiklo vs tricycle sa La Union

LA UNION – Idineklarang dead on arrival sa La Union Medical Center sa bayan ng Agoo ang dalawang biktimang magkakaangkas sa motorsiklo makaraan makasalpukan ang isang tricycle sa Brgy. Damortis, bayan ng Sto. Tomas kamakalawa.

Kinilala ang mga biktimang namatay na si Allan Marquez, 35, residente ng Brgy. Bael, Sto. Tomas, at ang backride niyang si Degracias.

Samantala, sugatan ang mga sakay ng isang tricycle na sina Crisanto Diserio, 35, driver, Rovil Fabro, at Jun Alcantara, pawang mga residente ng bayan ng Rosario.

Batay sa pagsisiyasat ng Sto. Tomas PNP, habang binabagtas ng motorsiklo ang pahilagang direksyon ng kalsada ay bigla itong sinalpok ng tricycle na papasok sa highway.

Nabatid sa medical examination na positibong nakainom ng alak ang tatlong mga sugatan sa insidente.