Dalagita tinurbo ng 3 kelot sa harap ng BF

BUTUAN CITY – Tinutugis ng mga tauhan ng Butuan City Police Station 1 (BCPS-1) ang dalawa sa tatlong lalaking tumakas makaraan halinhinang gahasain ang isang dalagita sa harapan ng kanyang kasintahan sa Butuan By The River.

Unang nadakip ang isa sa mga suspek base na rin sa kompirmasyon ng 17-anyos biktima na itinago sa pangalang “Inday” nang makita ang suspek na suot-suot ang kanyang tsinelas.

Kinilala ni Senior Insp. Nefre Acaso, station commander ng nasabing tanggapan, ang nahuli na si Rey Eda, 28, residente ng Purok Sari-Sari sa Brgy. Golden Ribbon sa lungsod.

Kinilala ang isa pang suspek na si Aranghel Vilan, 30, at residente ng Balbarino Subdivision.

Hindi umamin ang nahuling suspek na kasama siya sa gumahasa sa biktima sa dahilang naawa aniya siya ngunit iginiit ni “Inday” na kasama siya sa mga umabuso sa dalagita.