Klase sa ilang paaralan sa Maynila suspendido (Dahil walang tubig)

SUSPENDIDO ang klase sa ilang paaralan sa Maynila kahapon hanggang sa Agosto 12 dahil sa pansamantalang kawalan ng tubig.

Walang pasok ang mga eskuwelahan sa District 2, 3 at 5.

Nag-anunsiyo na rin ang Pasay ng suspensiyon ng klase sa lahat ng antas mula Agosto 11 hanggang Agosto 12 dahil sa pansamantalang kawalan ng tubig dulot ng ginagawa ng Maynilad.

Nagsimula ang water service interruption nitong Lunes, 1 p.m. at tatagal hanggang 10 p.m. sa Huwebes. 

Magpapatuloy ito sa Agosto 17, 1 p.m. hanggang 3 p.m. sa Agosto 18.

Kabilang sa mga apektadong lugar ang Caloocan, Manila, Pasay, Parañaque, Makati, Muntinlupa, Las Piñas, Cavite City, Bacoor City, Imus City, at ilang bayan sa Cavite, kasama ang Kawit, Rosario at Noveleta.