Monday , May 16 2022
Edwin Moreno photo Sa San Mateo, Rizal P.7-M ‘obats’ nasabat sa 3 HVT

Sa San Mateo, Rizal
P.7-M ‘OBATS’ NASABAT SA 3 HVT

NADAKIP ang tatlong pinaniniwalaang high value target (HVT) nang makompiskahan ng P700,000 halaga ng ilegal na droga sa ikinasang buy bust operation ng Provincial Drug Enforcement Unit (PDEU-PIU) sa bayan ng San Mateo, lalawigan ng Rizal, nitong Sabado ng hapon, 15 Enero. 

Kinilala ni P/Maj. Joel Custodio, OIC ng Provincial Intelligence Unit (PIU) ang mga nadakip na sina Anthony Miano, alyas Marvin, Jaymar Libanan, at Judy Ann Custodio, alyas Nicole, pawang mga residente ng Sitio Ibayo, Brgy. Maly, sa nabanggit na bayan.

Nabatid na dakong 2:30 pm, kamakalawa, isinagawa ng magkasanib na puwersa ng PIU at PDEU sa pamumuno ni P/Lt. Jackson Aguyen ang operasyon sa nabanggit na lugar.

Nakompiska mula sa tatlong suspek ang walong transparent plastic sachets at apat na transparent plastic bags ng hinihinalang shabu, may timbang na 110 gramo at tinatayang nagkakahalaga ng P748,000.

Bukod dito, nakuha rin mula sa mga suspek ang iba’t ibang shabu paraphernalia, cash, at buy bust money na ginamit sa operasyon. 

Dagdag ni Aguyen, responsable ang mga suspek sa pagpapakalat ng droga, hindi lang sa naturang bayan kundi sa ilang kalapit nitong mga lugar sa lalawigan. 

Nakapiit ang mga suspek sa Provincial Detention Cell at nakatakdang sampahan ng kasong paglabag sa Section 5 at 11, Article II ng RA 9262 o Comprehensive Dangerous Drug Act of 2002.

(EDWIN MORENO)

About Ed Moreno

Check Also

QC jail riot

Biyernes 13: 1 patay, 7 sugatan sa riot na sumiklab sa QC jail

PATAY ang isang preso (person deprived of liberty o PDL) makaraang mabaril habang pito ang …

prison

Nagpanggap na masakit ang tiyan
MOST WANTED NG CEBU UMESKAPO

NAGLUNSAD ng manhunt operation ang mga awtoridad upang muling mahuli ang isang PDL (person deprived …

knife saksak

Tutol sa relasyon ng magdyowang 17-anyos
INA SINAKSAK, NILASLAS SA DIBDIB NG ANAK AT NOBYO

PATAY ang isang 44-anyos ina na sinaksak at nilaslas sa dibdib at sa braso ng …

arrest, posas, fingerprints

Pagtutulak ginawang sideline,
SEKYU TIMBOG, 7 PA NASAKOTE SA ILEGAL NA DROGA

ARESTADO ang isang security guard na nahuling ginagawang sideline ang pagtutulak ng ilegal na droga …

Salvador Ador Pleyto

Gumawa ng kasaysayan sa Bulacan
PLEYTO UNANG KINATAWAN SA BAGONG DISTRITO

GUMAWA ng kasaysayan si Salvador “Ador” Pleyto bilang kauna-unahang kinatawan ng bagong distrito sa lalawigan …