Tuesday , January 31 2023

Alex ‘di pinigilang mag-showbiz si Sunshine, grateful sa kabaitan ni Ms. Rhea Tan

SUPORTADO ng actor/public servant na si Alex Castro ang showbiz career ng wife niyang former Sexbomb member na si Sunshine Garcia.

Sa pag-guest ni Alex sa online show naming Tonite L na L nina katotong Roldan Castro at Chuffa Mae Bigornia, nabanggit niyang silang mag-asawa ay nagsusuportahan sa isa’t isa.

Esplika ni Alex, “Hindi ko siya binabawalan sa showbiz, suportahan lang kung ano ang gusto namin sa buhay. Nakilala ko si Shine bilang artista na at magaling siyang artista, hindi lang siya magaling na dancer, magaling din siyang artista, magaling siyang umarte. Naniniwala ako sa talent niya, sayang kung hindi po iyon magagamit at makukulong lang siya sa bahay at mag-aalaga ng anak namin.”

Aniya, “May buhay din siya bukod sa pamilya, kumbaga, mayroon din siyang mga gustong gawin. Minsan lang tayo mabubuhay, bakit hindi natin enjoy-in, ‘di ba? Bakit natin pipigilan ang mahal natin sa buhay na gawin ang mga bagay na gusto niyang gawin? Kaya go lang, kung gusto niyang mag-showbiz, walang problema.”

Dito’y hinikayat din ni Board Member Alex ang lahat, lalo ang mga kababayan sa Bulacan na magpabakuna na, para matapos na ang problema natin sa CoVid-19 pandemic.

Ukol sa pagiging ambassador ni Alex ng Beautederm owned by Ms. Rhea Anicoche Tan, nabanggit niya kung gaano kabait ang magaling na business woman.

“Alam ninyo, hindi lang nang magsimula ang Beautederm ay nandiyan ako, kasama ko na sila ate Rei. Iyong naniwala sila na maging endorser nila (ako) ay sobrang nakaa-ano ‘yun. Iba e, hindi ko ma-explain kung paaano kasaya ‘pag nandoon ka sa pamilya ng Beautederm. Bukod sa mababait, marami kang natutuhan sa mga tao sa paligid ng pamilya ng Beautederm.

“And effective ang kanilang products. Hayan o, no filter ‘di ba, namumula ‘yung pisngi ko,” nakangiting saad niya.

Ukol sa One Minute Hakot Challenge sa Beautederm, sobrang nag-enjoy daw sila rito. “Mas magaling kumuha sa akin ang misis ko, si Sunshine. Marami siyang nakuha, e. Walang ka-poise-poise, kinuha niya lahat, kulang na lang pati lalagyan kunin. niya, hahaha! Ang ganda ng experience, na-try n’yo na iyon, di ba? Sobrang saya.”

Saad ni Alex, “Pero ang Beautederm family, si ate Rei, parang anghel na ibinigay sa atin ni Lord para magbigay kulay sa atin. Napakalaking bagay na may mga taong tulad niya na mabait. Kasi kapag positive ang tao na lagi mong nakakausap, maa-absorb mo, e. Nakai-inspired siya, kaya ako tumagal sa Beautederm at kasama nila hanggang sa ngayon.”

Nonie Nicasio

About Hataw Tabloid

Check Also

Dina Bonnevie

Dina nagparinig sa dapat ginagawa sa cake

I-FLEXni Jun Nardo NAGPASARING si Dina Bonnevie sa nakaraan niyang birthday celebration. Isang server ang nagdala ng …

blind item woman

Character actress sa gabi naliligo para itago ang peklat sa hita at binti 

I-FLEXni Jun Nardo SA gabi pala madalas maligo ang isang character actress. Nalaman ang ugaling ito …

Blind Item, Mystery Man, male star

Male star mas feel lagi na sa probinsiya ang booking

ni Ed de Leon MAS gusto raw ng isang bagets na male star na kung sakali at …

Roderick Paulate

Apela ni Kuya Dick sa Sandigang Bayan ‘di kinatigan

HATAWANni Ed de Leon SIGURO nga maraming tao sa showbusiness ang concerned sa kilalang actor …

Sunshine Dizon Ryza Cenon Gabby concepcion Sanya Lopez

Gabby lucky charm nina Sunshine, Ryza, Sanya  

HATAWANni Ed de Leon KUNG sabihin nga nila, isa si Gabby Concepcion sa pinakasikat talagang actor sa …

Leave a Reply