Sunday , October 24 2021

Montalban Mayor itinangging mula sa pondo ng bayan (Pamamahagi ng motorsiklo sa SK chairs fake news)

ITINANGGI ni Mayor Dennis Hernandez na pondo ng bayan ang ipinambili sa 11 units ng motorsiklong Yamaha NMAX na ipinamahagi sa Sangguinang Kabataan chairpersons sa bayan ng Montalban, lalawigan ng Rizal.

Sinabi ng alkalde sa kanyang Facebook account, donasyon umano ito ng A Riders Group na nais makatulong sa mga kabataan.

Giit ni Hernandez, hindi kailanman maglalaan ng pondo sa katulad na proyekto ang lokal na pamahalaan lalo ngayong may pandemya, ngunit nangakong palalakasin ang sektor ng kabataan.

Inamin ng alkalde na gagamitin ng SK chairs ang ‘kontrobersiyal’ na mga motorsiklo sa proyektong “Stroll Kame.”

Binatikos ito ng ilang netizens na nagsabing batay sa Republic Act 6713, bawal sa public officials o empleyado na tumanggap ng anomang donasyon o regalo mula sa private sector.

Idinagdag din ng mga netizen ang Presidential Decree No. 46 na nilagdaan ni dating Pangulong Ferdinand E. Marcos noong Nobyembre 1972.

Anila, maaaring makulong ang public official/s at empleyado ng isa hanggang limang taon at diskalipikasyon sa anomang public office.

Hiniling ng netizens sa alkalde na sagutin ang larawan sa ibaba na sila mismo ng kanyang kapatid na kapitan ang namahagi at ipakita ang resibo na ang bumili ng 11 units ng motorsiklo ay ang A Riders Group at hindi galing sa pondo ng bayan.

(EDWIN MORENO)

 

About Ed Moreno

Check Also

102221 Hataw Frontpage

Bato kabado sa ICC probe vs drug war killings sa PH

ni ROSE NOVENARIO IBINISTO ni Pangulong Rodrigo Duterte na kabado si dating PNP chief, Sen. …

Blind Item, Woman, man, gay

BF ni sikat na aktres boylet din ni batang matinee idol

ANO kaya ang sasabihin ng magaling at sikat na aktres kung makakarating sa kanya ang tsismis …

Aiko Best Supporting Actress sa 34th Star Awards for TV

Aiko Best Supporting Actress sa 34th Star Awards for TV

MA at PAni Rommel Placente ITINANGHAL na Best Supporting Actress si Aiko Melendez para sa mahusay niyang …

‘Party drugs’ distributor sa Bulacan, atbp., timbog sa Marikina

NAKOMPISKA ang may 103 piraso ng ‘ ecstasy ’ na tinatayang nagkakahalaga ng P185,400 mula …

Chest X-Ray

Mga empleyado ng Kapitolyo, PDLs sa Tanglaw sumailalim sa libreng TB screening, chest x-ray

SA LAYUNING mahanap ang mga may aktibong Tuberculosis (TB), maipalaganap ang kaalaman, at mabawasan ang …

Leave a Reply