Saturday , October 1 2022

‘Missing in action’ sa bagyong Rolly 10 Mayor inisyuhan ng ‘show cause order’

PINADALHAN na ng Department of the Interior and Local Government (DILG) ng “show cause orders” ang 10 alkalde na ‘missing in action’ habang sinasalanta ng super bagyong Rolly ang kanilang lokalidad.

Tumangging pangalanan ni DILG Undersecretary at Spokesperson Jonathan Malaya ang mga naturang alkalde bilang bahagi ng due process.

Aniya, ang mga LGU official ay mula sa Region VIII, Region V, CALABARZON, MIMAROPA, Central Luzon at maging sa National Capital Region.

Aniya, nais muna nilang bigyan ang mga naturang opisyal ng pagkakataon na makapagpaliwanag dahil maaari rin namang nagkamali lamang ng ulat ang kanilang mga tao sa ibaba.

“You want to give them an opportunity to reply. Baka naman nagkamali ‘yong report sa atin ng ating mga tao sa baba,” ani Malaya.

Mayroon aniyang limang araw ang mga naturang alkalde upang makapagsumite ng paliwanag.

Nagbabala si Malaya, kung hindi magiging katanggap-tanggap ang paliwanag ng mga opisyal ay maaari silang maharap sa kasong negligence, dereliction of duty o di kaya ay grabe o simple misconduct sa Office of the Ombudsman.

Matatandaang unang sinabi ng DILG na pagpapaliwanagin ang mga alkalde matapos iulat na sila’y ‘missing in action’ sa kani-kanilang lugar sa kasagsagan ng bagyo.

Nabatid na ang ulat na ginamit na basehan ng DILG sa pag-iisyu ng show cause orders sa mga alkalde ay mula sa DILG officers nila na nasa grounds.

“Hindi naman namin sinasabi na nasa munisipyo ‘yung mayor na nag-aantay na dumaan ‘yung bagyo. Ang sinasabi lang namin, nandoon ka sa bayan mo, na nandoon ka para puwede kang takbuhan, puwede kang puntahan ng iyong DRRMO, or ikaw mismo ang umikot,” paliwanag ng tagapagsalita ng DILG.

(ALMAR DANGUILAN)

About Hataw Tabloid

Check Also

Bulacan Police PNP

Bulacan police umiskor
MAHIGIT 765K HALAGA NG DROGA NAKUMPISKA, 15 DRUG SUSPEK NALAMBAT AT 6 NA LAW OFFENDERS NAI-HOYO

TINATAYANG aabot sa mahigit 765K halaga ng iligal na droga ang nakumpiska habang 15 drug …

Dagdag na benepisyo hiling ng pamilya ng mga nasawing rescuers sa Bulacan

Dagdag na benepisyo hiling ng pamilya ng mga nasawing rescuers sa Bulacan

NANAWAGAN ang mga kamag-anak ng ilan sa mga nasawing rescuer sa Bulacan ng dagdag na …

shabu

3 tulak sa Gapo nasabat
MAHIGIT P1-M HALAGA NG SHABU, NAKUMPISKA

 MAHIGIT  P1-M halaga ng iligal na droga ang nakumpiska ng mga awtoridad habang tatlong tulak …

FRIENDSHIP route sticker las pinas

Sa Las Piñas
72-ORAS TRO PABOR SA ‘FRIENDSHIP ROUTE’ PINALAWIG NG KORTE

ISA PANG DAGOK sa bagong administrasyon ng BF Resort Village Homeowners Association, Inc. (BFRVHAI) ang …

Zasa Aliman Stone Hope Company Diesel

Oil importer dudulog sa Malacañang dahil sa pagbasura ng DOE sa kanilang aplikasyon

DUDULOG sa Office the President (OP) ang isang oil importer kaugnay sa hinalang pagbasura ng …

Leave a Reply