Friday , March 29 2024
TINATAYANG P204 milyon ang halaga ng 30 kilong shabu na nakompiska ng mga tauhan ng NCRPO REDU sa Pasig City. Iniharap ni NCRPO chief, P/MGen. Guillermo Eleazar ang drug courier, kinilalang si Manolito Carlos, naaresto sa bisa ng search warrant sa inuupahang condominium unit sa Pasig City. (ALEX MENDOZA)

P204-M shabu kompiskado, Pasig HVT arestado

UMABOT sa P204 milyon halaga ng droga ang nasam­sam sa arestadong high-value target (HVT) sa lung­sod ng Pasig na sinabing miyembro ng sindikato na sangkot sa drug trafficking.

Kinilala ni NCRPO Re­gional Director P/Gen. Guil­lermo Eleazar ang nadakip na si  Manolito Lugo Carlos, alyas Lito o Tonge, residente sa Sorrento Oasis condo­minium sa Barangay Rosa­rio, sa lungsod ng Pasig.

Dakong 7:40 pm, sina­lakay ang tahanan ng sus­pek ng magkasanib na grupo ng Regional Drugs Enforce­ment Unit, RSOU, EPD at Pasig PNP, kasama ang PDEA dala ang search warrant na inisyu ni Executive Judge Danilo Cruz ng Pasig RTC Branch 152.

Nakuha ng mga awto­ridad ang 30 piraso ng big heat-sealed plastic pack ng Chinese tea na naglalaman ng shabu at tumitimbang ng isang kilo bawat plastic na may kabuuhang 30 kilos at may street value na P204 milyon; sari-saring drug paraphernalia, deposit slips ng iba’t ibang banko na nabatid na nakapaloob ang naturang halaga ng kolek­siyon bilang kabayaran sa nasamsam na droga.

Base sa record ng NCRPO, ang suspek  ay isang high-profile drug per­sonality at major target ng operational plan ng mga awtoridad.

Napag-alamang  main player ang suspek sa sin­dikatong sangkot sa kala­karan ng illegal drug traf­ficking na nag-o-operate sa Metro Manila, Region 3 at Region 4.

Sinabing konektado ang suspek sa drug persona­li­ties na nahatulan na at nga­yon ay binubuno ang sen­ten­siya sa  National Bilibid Prison (NBP), Muntinlupa City.

Kanang kamay din uma­no ang suspek ng isang con­victed drug lord at katiwala sa storage at pagpapakalat ng ilegal na droga.

Ayon sa awtoridad, si Ma­no­lito ay nadakip at naka­suhan na noong taong 2000 sa Mandaluyong ngunit na­pa­walang sala at nakalaya kaya nakapagpatuloy sa mga ilegal niyang gawain.

Nakatakdang sampahan ngayong araw ng kasong paglabag sa Section 5 at 11 ng RA9165 ang suspek.

(EDWIN MORENO)

About Ed Moreno

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *