‘Mangkukulam’ itinumba sa Ilocos Sur

ILOCOS SUR – Patay ang isang babaeng sinasabing isang mangkukulam makaraan barilin sa Catalina, Ilocos Sur kamakalawa.

Kinilala ang 60-anyos biktima na si Saturnina Raping.

Siya ay binaril sa kanyang bahay sa Brgy. Tamurong, Sta. Catalina ng hindi nakilalang lalaki.

Ayon sa ulat, ang suspek na nakasuot ng brown jacket ay nilapitan ang biktimang abala sa kusina at biglang binaril.

Agad nalagutan ng hininga ang biktima bunsod ng isang tama ng bala sa ulo.

Sinasabing inirereklamo ng mga kapitbahay ang biktima dahil sa pangkukulam.