Bading patay, dyowa sugatan sa sunog sa CDO

CAGAYAN DE ORO CITY – Namatay ang isang bading nang ma-trap sa nasusunog nilang inuupahanag kuwarto habang sugatan ang kanyang live-in partner sa Block 3, Lot 25, Villa Trinitas Subd., Brgy. Bugo sa Cagayan de Oro City kamakalawa.

Kinilala ang namatay na si Richie Gonzales, habang sugatan si Rene Micabalo, kapwa ng Koronadal City.

Inihayag ni Bureau of Fire Protection (BFP) investigator FO1 Jose Valmores, posibleng electrical short circuit ang sanhi ng nasabing sunog.

Sinabi ni Valmores, na-trap si Gonzales nang balikan ang naiwan niyang tablet sa loob nang nasusunog nilang kuwarto.

Si Gonzales ay mayroong trabahong online habang si Micabalo ay nagnenegosyo ng spare parts ng motorsiklo.