26 indibidwal positibo sa HIV/AIDS (Sa Eastern Visayas)

 NABABAHALA ang Department of Health (DoH) sa Eastern Visayas dahil sa nakaaalarmang paglobo ng mga may sakit na HIV/AIDS sa rehiyon.

Ayon kay Boyd Cerro, regional epidemiology unit chief ng DoH, nitong Marso lamang, umabot na sa 26 katao ang naitalang positibo sa HIV/AIDS.

Karamihan aniya o nasa 80 porsiyento ng HIV/AIDS cases sa nasabing rehiyon ay dahil sa pakikipagtalik ng lalaki sa lalaki.

Habang may kabuuang bilang na 312 ang kompirmadong may HIV/AIDS magmula nang sinimulan ng DoH ang kanilang tally sa nasabing sakit noong 1984.