Drastic reform ipatutupad sa BuCor

TINIYAK ni incoming justice secretary Vitaliano Aguirre II, hindi magugustuhan ng mga nasa Bureau of Corrections (BuCor) ang kanyang ipatutupad na reporma sa pamamahala ng mga kulungan.

Sinabi ni Aguirre, sa basbas ni incoming President Rodrigo Duterte, magsasagawa siya ng mga ‘drastic’ na pagbabago at tatamaan ang lahat ng mga nasa BuCor.

Ayon kay Aguirre, hindi na maaaring umubra ang mga sindikato lalo sa New Bilibid Prisons (NBP) na may operasyon ng illegal drugs trade sa piitan.

Sa ngayon, naghahanap na raw sila ng paglilipatan ng NBP para mailayo ang mga preso sa kalunsuran at maihiwalay sa publiko.