Monday , April 15 2024

3-child policy ‘order’ ni Duterte

SINABI ni incoming president Rodrigo Duterte, susuwayin niya ang Roman Catholic Church sa isusulong niyang three-child policy, na maaaring muling magresulta sa banggaan nila ng mga obispo.

Ang mayor ay hindi pa naidedeklarang panalo sa May 9 polls, ngunit sa unofficial vote count ng election commission-accredited watchdog, malaki ang lamang niya sa apat niyang mga karibal, tatlo sa kanila ay nag-concede na ng pagkatalo. Mauupo sa puwesto si Duterte sa Hunyo 30.

“I only want three children for every family,” pahayag ni Duterte nitong Linggo sa Davao City. “I’m a Christian, but I’m a realist so we have to do something with our overpopulation. I will defy the opinion or the belief of the Church.”

Tinatayang 80 porsiyento ng 100 milyon populasyon ng Filipinas ay mga Katoliko, pinakamarami sa buong Asya, na tumututol sa aborsiyon at contraception.

Nitong Sabado, binatikos niya ang Simbahan na aniya’y “most hypocritical institution,” nanghihimasok sa mga polisiya ng gobyerno at ilang mga obispo ang yumaman dahil sa mahihirap.

“You sons of whores, aren’t you ashamed? You ask so many favours, even from me,” pahayag ni Duterte sa panayam ng TV station GMA.

Midnight Media briefings asahan sa Duterte admin

NILINAW ni incoming President Rodrigo Duterte, hindi siya dapat katakutan o pag-alangan ng mga mamamahayag dahil sa kanyang matapang na personalidad.

Magugunitang kilala si Duterte sa madalas na pagmumura, pambabara at pagbibiro sa mga mamamahayag na nagtatanong sa kanya kahit sa live press conferences.

Sinabi ni Duterte, hindi dapat ma-intimidate ang mga mamamahayag dahil siya ay madaling lapitan at madali raw aliwin.

Kasabay nito, pinayuhan na rin ng kampo ni Duterte ang mga mamamahayag na nagko-cover sa Malacañang na simulan nang mag-adjust ng ‘body clock’ simula sa Hunyo 30.

Ayon mismo kay Duterte, aasahang hindi magbabago ang ‘working hours’ niya kaya tiyak ang mga presscon sa hatinggabi o madaling araw.

Aalisin na rin daw ang nakasanayang ‘prescreened’ o ‘advance questions’ dahil nakahanda si Duterte sa ano mang tanong huwag lang sa kanyang personal na buhay.

Pres’l yacht gagawing floating hospital ni Duterte

DAVAO CITY – Plano ni President-elect Rodrigo Duterte na gawing isang malaking floating hospital ang Presidential Yacht, kung walang buyer na bibili nito.

Ito ang alternative plan ni Duterte makaraan ihayag ng Philippine Navy na ang pagbebenta ng makasaysayang yate ay isasailalim sa buong proseso ng pagbebenta ng government owned facilities.

Sakaling ma-convert ang nasabing barko bilang ospital, ito raw ang gagamitin sa mga lugar na maaaring wala o kaya’y malayo ang ospital.

Una nang inihayag ni Duterte, gusto niyang ipagbili na ang nasabing yate at gagamitin ang perang malilikom dito sa mordernisasyon ng Veterans Memorial Medical Center.

Daan sa Villar Projects bawal

TINIYAK ni President-elect Rodrigo Duterte, hindi gagamitin ni incoming Department of Public Works and Highways (DPWH) Secretary Mark Villar ang posisyon para paboran ang real estate company ng kanyang pamilya.

Ayon kay Duterte, hiniling niya kay Villar ang mapa ng real estate projects ng pamilya.

Mahigpit ang utos ng incoming president na huwag gumawa ng daan o ano mang proyekto ang DPWH sa mga lugar na may proyekto ang pamilya Villar para walang masabi ang mga tao.

Sinabi ni Duterte, kaya niya pinili si Villar para mamuno sa DPWH ay dahil gusto niyang organizational ang mamuno sa naturang ahensiya na isa pa rin aniya sa pinaka-corrupt na ahensiya ng gobyerno.

About Hataw News Team

Check Also

Isko Moreno

Yorme Isko tiniyak ‘di na tatakbo sa halalan 2025

I-FLEXni Jun Nardo SARADO na ngang talaga ang pinto ng politika kay Isko Moreno Domagoso kahit nasa …

COPA Swim Series Leg 3 RMSC Eric Buhain

COPA Swim Series Leg 3 sa RMSC

TULOY ang pagtuklas sa mga bagong talento sa isasagawang National Capital Region (NCR) One For …

Marilag Festival Sta Maria Laguna

Mula 11-14 Abril 2024
IKA-11 MARILAG FESTIVAL SA STA. MARIA, LAGUNA   INAASAHANG DARAYUHIN

TAMPOK ang iba’t ibang produktong agrikultural at iba pang by-products, sa pagdiriwang ng mga taga-Sta. …

Bulacan Police PNP

P240k ilegal na droga kompiskado; 11 pasaway arestado

INILUNSAD ng pulisya sa Bulacan ang pinaigting na operasyon na nagresulta sa pagkakompiska ng ilegal …

DANIEL FERNANDO Bulacan

National wealth tax para sa likas na tubig
MOTION FOR RECONSIDERATION INIHAIN SA SC NG BULACAN GOV

NAGHAIN ng Motion for Reconsideration si Bulacan Gov. Daniel Fernando sa Korte Suprema sa naging …

Leave a Reply

Your email address will not be published. Required fields are marked *