Saturday , December 10 2022

Duterte plunderer (Dapat sampahan ng kaso)

BINIRA ng Kilusan Kontra Kabulukan at Katiwalian (4K) ang talamak  na pagnanakaw sa pondo ng bayan ni Davao City Mayor Rodrigo Duterte habang pinuri ang katapangan ni vice presidential candidate at Senador Antonio Trillanes IV na nagsampa ng kasong plunder laban sa sinasabing crimebuster at nagpapanggap na makabayan mula Mindanao.

Ayon kay 4K General Secretary Rodel Pineda, dapat nang tumigil si Duterte sa pagkukunwaring mahal niya ang bayang Filipinas kung patuloy niya namang uubusin ang kaban ng bayan.

“Masyado nang madrama ang pinaggagagawa ng alkalde na mahal niya ang Filipinas sabay halik pa sa ating watawat kada matatapos ang kanyang talumpati sa harapan ng mga tagasuporta niya. Paano niya nasisikmurang halikan ang watawat ng Filipinas na marami nang nagbuwis ng buhay upang makamit ang tunay na kalayaan kung ipagpapatuloy naman ni Digong ang pangungulimbat sa kaban ng bayan?” galit na ipinahayag ni Pineda.

Kinatigan ng 4K secretary general ang pormal na pagsampa ng plunder case laban kay Duterte ni Trillanes noong Huwebes, Mayo 5 bunsod ng mahigit sa P2.4 bilyong halaga ng hidden wealth sa pangalan ng Davao City mayor at anak na si Sarah “Inday” Duterte sa Bank of the Philippine Islands (BPI) Julia Vargas Branch sa Pasig City.

Ibinulgar din ni Trillanes ang isa pang iskema na nandaya si Duterte sa pagkukunwaring mayroon siyang mahigit sa 11,000 contractual workers noong 2014.

“Mahirap na ‘atang tanggapin ng taumbayan na napakaraming ghost employee ni Duterte base sa ipinakitang 2015 Commission on Audit (COA) report ni Trillanes.

Pinalalabas ni Digong na nagbayad ang Davao City Hall ng P708 milyon bilang pasuweldo sa mga sinasabing empleyado pero paano mangyayari iyon? Mismong COA ang nagsabi na walang kasamang dokumento sina Duterte para mapatunayang may mga nagtrabaho nga sa kanila na ganoon karaming tao,” naiiling na sinabi ni Pineda.

Bukod sa kasong plunder, nagsampa rin si Trillanes ng kasong malversation of public funds and violation of the Anti-Graft and Corrupt Practices Act.

“Dapat nang magpakatotoo si Duterte. Huwag na siyang gumaya kay Binay. Alalahanin ni Digong na sa panahon ng internet at social media, matatalino na ang mamamayang Filipino at hindi basta-basta mabobola sa pamamagitan ng huwad na pagpapakita ng ugaling makabayan,” paghahamon ni Pineda.

About Hataw News Team

Check Also

RDF geocycle Holcim Angono Rizal

Sa Angono, Rizal
BASURA GINAMIT BILANG GASOLINA

KASALUKUYANG gamit ng lokal na pamahalaan ng Angono, sa lalawigan ng Rizal, ang modernong teknolohiya …

road accident

Sa Isabela
2 KAWANI NG DA PATAY SA KARAMBOLA NG 3 SASAKYAN

HINDI nakaligtas sa kamatayan ang dalawang empleyado ng Department of Agriculture – Cordillera nang banggain …

Arrest Posas Handcuff

Rank No. 1 MWP ng Southern Leyte tiklo sa Bulacan

INARESTO ang isang lalaking nakatala bilang Rank no. 1 most wanted person (MWP) ng Southern …

Bocaue Bulacan Fireworks Rodolfo Azurin Daniel Fernando

Bulacan Fireworks capital sa Bocaue ininspeksiyon ng pulisya, Kapitolyo

DALAWANG linggo bago ang holiday season, ang Bulacan provincial government sa pakikipagtulungan ng Philippine National …

Bulacan

Sa ika-22 Gawad Kalasag
“BEYOND COMPLIANT SEAL OF EXCELLENCE” IGINAWAD SA BULACAN

NILAMPASAN ng lalawigan ng Bulacan ang pamantayan para sa pagtatayo at pagresponde ng Local Disaster …

Leave a Reply