Suspek sa kidnap plot vs Kris Aquino arestado sa Laguna

ARESTADO ang isang hinihilang terorista na sinasabing sangkot sa planong pagpapa-sabog sa Metro Manila at tangkang pagdukot sa presidential sister na si Kris Aquino, sa inilunsad na pagsalakay ng intelligence operatives ng PNP at AFP.

Kinilala ang suspek na si Reynaldo Vasquez Ilao, residente ng Brgy. Nueva, San Pedro, Laguna.

Batay sa report, sinalakay nang pinagsanib na puwersa ng CIDG at Intelligence Service ng AFP ang bahay ng suspek noong Abril 26 at nakompiskahan siya ng .45-caliber pistol at granada.

Ayon sa mga awtoridad, si Ilao ay miyembro ng Rajah Sulayman Movement sa pamumuno ni Mikhail Abrera alias Abdul Asiz na naaresto sa isang checkpoint sa Zamboanga City noong Abril 16.

Napag-alaman, plano nila Ilao at Abrera na magsagawa ng pagpapasabog sa Metro Manila.