Tuesday , January 31 2023

Duterte bagsak (Poe tumataas)

LABIS nang nadarama ni Davao City Mayor Rodrigo Duterte ang epekto ng kanyang kontrobersiyal na “rape joke” at ang pagkasangkot niya sa sobrang korupsiyon samantala umakyat ang rating ng kanyang mahigpit na karibal sa presidential race na si Senadora Grace Poe.

Base sa pinakabagong inilabas na survey ng Pulse Asia kamakalawa, sinabi ni Pulse Asia research editor Ana Maria Tabunda na napakalaki ng ibinagsak ni Duterte mula sa majority voters ng National Capital Region. Mula sa dating 43 percent ay nasa 34 percent na lamang ang alkalde ng tinaguriang “Murder Capital of the Philippines.”

Aniya, bagamat napanatili ng maanghang magsalita na pambato ng PDP Laban ang kanyang kalamangan sa apat pa niyang katunggali ayon sa Abril 19-24 survey na kinomisyon ng ABS-CBN, hindi malayong magpatuloy pa ang pagbagsak ni Duterte lalo at naisiwalat ang kanyang P211-million hidden wealth na ibinulgar noong nakaraang linggo ni Senador at Vice Presidential candidate Antonio Trillanes.

Unang tinangkang ismolin ni Duterte at tinawag pang ‘gago’ ang senador at itinatwa ang sinabing joint account niya at ng anak na si Sarah “Inday” Duterte na nakadeposito sa Bank of the Philippine Islands, Julia Vargas branch sa Pasig City, ngunit sa kalaunan, inamin din ni Digong na mayroon siyang deposito sa nasabing banko.

Ito ang mga isyung labis pang makasisira sa kandidatura ni Duterte lalo na nga at bumagsak na ang bilang ng sumusuporta sa kanya sa Metro Manila at maging sa mga kabilang sa mas mataas na estado ng lipunan, dagdag ng Pulse Asia research director.

Ayon kay Tabunda, nawalan ng malaking bilang ng supporter si Duterte sanhi ng kanyang rape joke sa Australian missionary na si Jaqueline Hamill na ginahasa at pinatay sa hostage-taking incident sa Davao prison noong 1989.

Nabawasan din siya ng 3 percent sa kanyang baluwarteng Mindanao (61 percent patungong 58 percent). At sa iba pang socio-economic classes, nawalan ng 10 percent si Duterte mula sa Class ABC (47 percent to 37 percent) at 3 points mula sa Class E (34 percent to 31 percent).

Samantala, bigla namang tumaas ang pagsuporta ng mga taga-Metro Manila kay Poe. Pumalo ito ng 26 percent mula sa dating 22 percent.

Para kay Tabunda, mas mabilis mag-react ang mga taga-Metro Manila tungkol sa mga isyu kaya mahirap mapigilan ang pagbagsak ng suporta nila kay Duterte.

Gumamit ang survey ng face-to-face interviews ng 4,000 respondents at mayroong sampling margin error na plus or minus 1.5 percent para sa nationwide results.

Mayroon margin of error ang Metro Manila ng plus or minus 4.6 percent.

About Hataw News Team

Check Also

Scam fraud Money

Sa takot sa asawa na malamang na-scam
GINANG NAGTANGKANG MAGPATIWAKAL

NAGTANGKANG magpatiwakal ang 32-anyos na ginang sa pamamagitan nang pagtalon sa isang footbridge dahil umano …

shabu drug arrest

Nag-aabutan ng shabu sa Vale
2 TULAK, HULI SA AKTO

BAGSAK sa kulungan ang dalawang hinihinalang drug personalities matapos maaktuhan ng mga pulis na nag-aabutan …

marijuana

Drug group member, kasabwat nabingwit sa drug bust

KULONG  na  ang dalawang tulak ng droga, kabilang ang isang miyembro ng “Zaragosa drug group” …

prison rape

Most wanted sa Vale
KELOT, HOYO SA KASONG STATUTORY RAPE

HULI ang isang 18 anyos na kelot na listed bilang most wanted sa kasong statutory …

cyber libel Computer Posas Court

Sex offenders database itinutulak ng senador

ITINUTULAK ni Senador Jinggoy Ejercito Estrada ang pagtatatag ng isang pambansang database ng mga sex …

Leave a Reply