Friday , December 9 2022

Alan suportado ng ANAKALUSUGAN Party-List

NAPAGPASYAHAN ng #12-Anakalusugan Party List na pinangunguhahan ng kanilang First Nominee Marc Caesar Morales na kanilang ibibigay ang buong puwersang suporta kay Senador Alan Peter Cayetano, kandidato sa pagka-bise presidente, sa darating na halalan sa Mayo 9.

Ipinahayag din ng grupo ang kanilang taos-pusong pagtitiwala sa kakayahan ng mga sumusunod na senatoriables: Martin Romualdez, Sandra Cam, Leila de Lima, Richard Gordon, TG Guingona, Migz Zubiri, Ping Lacson at Manny Pacquiao.

Layon ng #12-Anakalusugan na palakasin ang bansa at bawat Filipino sa pamamagitan ng pagbigay ng makabagong programang pangkalusugan at pang-edukasyon.

Ayon kay #12-Anakalusugan National Campaign Manager Eduardo Morales, napahanga sila sa ipinapakitang fighting spirit at determinasyon ni Cayetano sa kanyang trabaho sa Mataas na Kapulungan, kaya karapat-dapat si Cayetano sa puwestong bise presidente, lalo na’t kailangan siya ng bansa tungo sa pagbabago at kaunlaran.

“Kami ay kompiyansa sa misyon ni Cayetano na lalong paigtingin ang proteksiyon para sa kalikasan. Ganoon din sa kanyang malakas at matatag na political will sa pagtatanggol ng pambansang soberanya mula sa ano mang banta ng ibang bansa,” dagdag ni Morales.

Bilang isang tagapaglingkod na matagal na sa serbisyo, napatunayan ni Cayetano na siya ay tunay na mabagsik na kawaay ng graft and corruption sa pamahalaan, at sa kanyang walang habas na pagpapahayag ng mga saloobin laban sa sari-saring negatibong isyung kinahaharap ng Filipinas.

“Ang #12-Anakalusugan Party List ay magiging kabalikat ni Vice President Alan Peter Cayetano sa pakikipagtulungan para sa karapatan ng bawat pamilyang Filipino sa mas maginhawang pamumuhay at maayos na pagbabago sa sistema sa bansa,” ayon kay Morales.

About Hataw News Team

Check Also

RDF geocycle Holcim Angono Rizal

Sa Angono, Rizal
BASURA GINAMIT BILANG GASOLINA

KASALUKUYANG gamit ng lokal na pamahalaan ng Angono, sa lalawigan ng Rizal, ang modernong teknolohiya …

road accident

Sa Isabela
2 KAWANI NG DA PATAY SA KARAMBOLA NG 3 SASAKYAN

HINDI nakaligtas sa kamatayan ang dalawang empleyado ng Department of Agriculture – Cordillera nang banggain …

Arrest Posas Handcuff

Rank No. 1 MWP ng Southern Leyte tiklo sa Bulacan

INARESTO ang isang lalaking nakatala bilang Rank no. 1 most wanted person (MWP) ng Southern …

Bocaue Bulacan Fireworks Rodolfo Azurin Daniel Fernando

Bulacan Fireworks capital sa Bocaue ininspeksiyon ng pulisya, Kapitolyo

DALAWANG linggo bago ang holiday season, ang Bulacan provincial government sa pakikipagtulungan ng Philippine National …

Bulacan

Sa ika-22 Gawad Kalasag
“BEYOND COMPLIANT SEAL OF EXCELLENCE” IGINAWAD SA BULACAN

NILAMPASAN ng lalawigan ng Bulacan ang pamantayan para sa pagtatayo at pagresponde ng Local Disaster …

Leave a Reply