Thursday , June 13 2024

4 new guinness records ng INC

PUMASOK muli sa talaan ng Guinness World Records ang Iglesia Ni Cristo (INC) matapos gawin ang makasaysayang “Aid to Humanity” na may temang “Labanan ang Kahirapan” outreach at charity event nitong nakaraang Biyernes, Abril 29 sa Tondo.

Sinertipikahan ng mga representante ng Guinness na naroon mismo, ang apat na bagong world records na nakamit ng INC.

Ito ang pinakamaraming donasyong damit, pinakamaraming sapatos na naipamigay din sa loob ng 24-oras, pinakamaraming ultrasound examination sa loob ng walong oras, at pinakaraming medical risk assessment sa parehong panahon.

Ang naturang “Aid to Humanity,” na kilala rin sa tawag na Lingap sa Mamamayan, ay nakapagbigay ng 200,000 goodie bags, 17,526 libreng pares ng sapatos at 241,200 piraso ng malinis na “used clothing.”

Nagawa rin ang “most number of medical risk assessments” sa bilang na 4,784.Umbot sa 7,000 ang bagong record para sa “most ultrasound examinations.” Parehong binilang ang record sa loob ng walong oras.

Nabanggit ng mga kinatawan ng Guinness na ito ang unang pagkakataon na nagkamit ng ganoon karaming record ang isang organisasyon sa loob ng isang araw.

Nagpasalamat si INC General Auditor Glicerio B. Santos Jr., sa naging tagumpay ng Lingap, at sinabing “Masaya at proud kami sa bagong world records, pero mas importante ang oportunidad na ibinigay sa amin para makapagsilbi sa mga kapatid nating nangangailangan, miyembro man ng Iglesia o hindi.”

Nangako si Santos na ang INC sa pamumuno ni Executive Minister Eduardo V. Manalo ay patuloy na mag-oorganisa ng iba pang outreach and evangelical activities buong taon, sa ilalim ng Felix Y. Manalo Foundation.

“Sa totoo lang, sa Tondo nakamit ng INC ang mga una nitong Guinness world records sa isa ring “Aid for Humanity” o “Lingap sa Mamamayan” event noong July 7, 2012. Nakagawa tayo ng world record noon para sa “largest dental health check,” “biggest number of blood pressure readings” sa loob ng walong oras at “most numerous blood glucose level (BGL) tests,” sa loob ng otso-oras din,” banggit ni Santos.

Sa kasalukuyan, mayroon nang 18 Guinness World Records ang INC.

Hawak ng Iglesia ang mga record para sa “largest charity walk done within 24 hours in multiple venues,” “largest charity walk in a single venue,” “most number of hunger relief packages distributed in eight hours in a single venue,” “largest mixed-use indoor theater” para sa Philippine Arena na kakasya ang 55,000 katao, “largest gospel choir during a worship service,” pati na rin tatlong Guinness records kaugnay ng pelikulang “Felix Manalo” na umani ng parangal noong isang taon, at tatlo pang Guinness records para sa 2016 New Year’s celebration na ginanap sa Philippine Arena.

About Hataw News Team

Check Also

Sam Verzosa Yul Servo

VM Yul at Rep Sam magsasalpukan sa pagka-Manila mayor 

I-FLEXni Jun Nardo NAGPAPARAMDAM na ang bofriend ni Rhian Ramos na si partylist representative Sam Versoza sa ilang barangay …

DOST assists Damugu sudsud weavers in Talakag, Bukidnon

DOST assists Damugu sudsud weavers in Talakag, Bukidnon

The Department of Science and Technology Regional Office X recently made strides in its mission …

SANKEI 555 Ball Joint

Produktong Japan ginaya
NBI NAGHAIN NG SUBPOENA SA EXPO BOTH NG SANKEI 555

SA IMPORMASYONG imitasyon at hindi orihinal ang produktong naka-display, inihain ng National Bureau of Investigation …

Federation of Free Farmer FFF

Rice Tariffication Law (RTF) naging pahirap 
MAGSASAKANG PINOY UNANG TATAMAAN NG MABABANG TARIPA

AMINADO si Leonardo “Ka Leony” Montemayor, Chairman ng Federation of Free Farmers (FFF) na malaki …

Migz Zubiri Pope Francis

Pope Francis binulungan si Migz: Protektahan ang pamilyang Filipino

“PINAKIUSAPAN ako ni Pope Francis to ‘protect the family,’ at isasapuso ko ang sinabi niyang …

Leave a Reply

Your email address will not be published. Required fields are marked *