Monday , June 24 2024

Poe pantay na kay Duterte (Digong sumadsad nang todo sa SWS survey)

PATULOY sa pagbagsak ang rating ni Davao City Mayor Rodrigo Duterte sa Social Weather Stations (SWS) sanhi ng sunod-sunod na kontrobersiyang kinasangkutan ng Davao City Mayor habang nakapantay naman sa kanya sa top spot ng presidential race si Senadora Grace Poe.

Ayon sa huling ulat ng SWS mula Abril 20 hanggang 23, si Duterte ang nagmarka ng pinakamalaking pagbagsak ng rating sa limang presidentiable. Mula 33 percent (%), nabawasan ng 6% ang kompiyansa sa kanya ng taumbayan kaya sumadsad si Digong sa 27%.

Samantala, pumalo naman si Poe sa 26% mula sa dating 24% o katumbas ng 2 porsiyento na pagtaas ng kanyang rating.

Bago isinagawa ang pinakabagong survey, abante si Duterte ng 9% kay Poe noong huling SWS survey na ginawa naman mula Abril 18 hanggang 20.

Base sa lumabas na SWS survey, natutuklasan na ng taumbayan ang tunay na imahe ng katauhan ni Duterte na una nilang pinaniwalaang may matigas na paninindigan sa pakikipaglaban sa krimen. Ngunit sa sunod-sunod na kamalian ni Duterte kagaya ng pagtawag niya ng bayot o bakla kay Liberal Party standard bearer Mar Roxas, pag-amin sa kanyang pagkakaroon ng kaugnayan sa mga extra-judicial killings ng Davao Death Squad, pagmura sa Santo Papa at ang pinakahuling masamang biro niya o rape joke kay Australian missionary Jaqueline Hamill na biktima ng rape-slay noong 1989.

Isa pa rin malaking dahilan ng pagbagsak ng rating ni Duterte ang pangangamba ng mamamayan sa kasunod na ipinahayag ni Duterte na puputulin niya ang diplomatic ties sa Australia at Estados Unidos dahil sa pagbatikos sa kanya nina Australian Ambassador Amanda Gorely at US Ambassador to the Philippines Philip Goldberg kaugnay ng kanyang ginawang rape joke.

Ikinagalak ng mga respondent ang paninindigan ni Poe upang ipaglaban ang dignidad at karapatan ng bawat kababaihan na patuloy umanong niyuyurakan ni Duterte. Sa huling presidential debate, nakatulong sa pagtaas ng rating ni Poe ang kanyang pakikipaglaban para sa karapatan ng mga kababaihan kontra sa Davao City Mayor nang mag-one-on-one sila sa town hall style format ng Presidential Debate sa Dagupan, Pangasinan.

About Hataw News Team

Check Also

knife saksak

Sinaksak ni Tibo
WAREHOUSE STAFF, SUGATAN

GRABENG nasugatan ang isang warehouse staff matapos saksakin ng kapitbahay na babae na kanyang nakatalo …

dead gun police

Robbery suspect patay 2 pulis grabeng sugatan

PATAY ang isang robbery suspect habang dalawang pulis ang sugatan sa isang enkuwentro sa lungsod …

airplane

Sex convict nagtangkang pumasok sa PH huli ng BI

MULING NAHARANG ng mga tauhan ng Bureau of Immigration (BI) sa Ninoy Aquino International Airport …

Samuel Pabonita Pasay Police

POGO sa Pasay, krimen walisin — Pasay cop

INAMIN ni Pasay City Chief of Police Col. Samuel Pabonita, malaking bagay para sa seguridad …

3,000 Caviteños Cayetano DSWD

3,000 Caviteños nagpasalamat sa suporta mula sa mag-utol na Cayetano at DSWD

PINAIGTING ng mga tanggapan nina Senador Alan Peter at Pia Cayetano ang kanilang pagbisita sa …

Leave a Reply

Your email address will not be published. Required fields are marked *