Saturday , January 28 2023

Salceda: Si Chiz ang VP ko (Baliktaran sa Bicol, Leni laglag)

TILA pangitain sa politika na yayanig sa bansa sa huling dalawang linggo bago ang halalan, sumabog nitong Biyernes ang anunsiyo ni Albay Governor at Liberal Party (LP) regional chairman Joey Salceda na susuportahan niya ang kandidatura ng kapwa Bikolano na si Sen. Chiz Escudero.

Ayon kay Salceda, ikinokonsidera niya sa kanyang pagpili ang 18-taong karanasan ng beteranong senador laban sa kongresistang si Rep. Leni Robredo.

Kasabay ng nasabing pahayag na tinatayang magbabago sa hugis ng politika sa Bicolandia, inihayag din ni Salceda ang kanyang pagbitiw sa LP, pagtakbong kongresista sa ikalawang distrito ng Albay bilang isang independent candidate at pormal na pakikipag-alyansa sa tambalan ni Sen. Grace Poe at Escudero.

Matatandaan na binalaan noong 2015 ni Salceda ang LP laban sa desisyong tapatan ng kapwa Bicolano ang kandidatura bilang bise presidente ni Escudero.

“VP na si Chiz ni Grace Poe. Nakalalamang siya kay Leni dahil hindi kaaya-ayang kalabanin ng isang Bicolano ang isa pang Bicolano,” ani Salceda matapos ideklara ni Escudero ang kanyang kandidatura sa Club Filipino sa Greenhills, San Juan noong nakaraang Setyembre.

Ang nabanggit na desisyon ni Salceda ay nakikinitang magdadala ng magandang resulta sa tambalang Poe-Escudero mula sa Bicol Region dahil ito ang maaaring umpisa ng napipintong baliktaran ng mga pinunong lokal sa rehiyon.

Ang rehiyon ay kinabibilangan ng mga lalawigan ng Albay, Camarines Norte, Camarines Sur, Catanduanes, Masbate at Sorsogon, at may kabuuang bilang na 3.1 milyong rehistradong botante.

Agad nagpaabot ng pasasalamat kay Salceda si Escudero dahil sa endoso ng Gobernador sa kanya at sa katambal na si Sen. Poe.

“Taps-puso ang aking pasasalamat sa pag-endo[r]so niya sa aking kandidatura at ni Sen. Grace.”

Ikinagalak ito ni Escudero at binigyang-diin ang halaga ng pakikipag-alyansa ni Salceda sa kanilang tambalan dahil sa impluwensiya ng Gobernador ng Albay sa buong Bicol region.

“Malaking tulak ito sa aming kandidatura dahil si Governor Salceda ay iginagalang at iniidolo ng mga lider sa Bicol at maging sa buong bansa,” dagdag ng senador.

About Hataw News Team

Check Also

Arnell Ignacio OWWA

Health and wellness ng mga OWWA employee tututukan ni Admin Arnell

SHOWBIZ KONEKni Maricris Valdez Nicasio NAKABIBILIB ang concern ni Overseas Workers Welfare Administration (OWWA) Arnell Ignacio hindi …

SAF 44 National Day of Remembrance bulacan

Bulacan cops ginunita ang Fallen SAF 44 sa National Day of Remembrance

PARA sa National Day of Remembrance ng 44 na miyembro ng Special Action Force (SAF), …

Arrest Posas Handcuff

Puganteng rapist at kilabot na kawatan, timbog

Dalawang lalaki na kabilang sa most wanted person sa Bulacan ang magkasunod na naaresto sa …

dead gun

Ika-5 suspek sa pagpatay sa 2 pulis sa Mabalacat, Pampanga, patay sa shootout

ANG ikalimang  suspek at lider ng Flores group na pumatay sa dalawang anti-drug cops ng …

dead gun

Wanted patay sa engkuwentro

Patay ang  lalaking wanted sa kasong robbery nang manlaban sa mga awtoridad na aaresto sa …

Leave a Reply