Monday , November 28 2022

Motorcade itinigil ni Lim para makinig sa hinaing ng Manilenyo

KINAILANGAN tumigil ang motorcade ng nagbabalik na alkalde ng Maynila Alfredo S. Lim sa ikalimang distrito sa Maynila nang magsisugod ang mga residente patungo sa sasakyan niya upang maglabas ng mga hinaing, kasama na ang umano ay sobrang taas na singil per ora nang gumamit sila dati ng sports complex sa lungsod, gayong dati naman itong libre.

Karamihan sa mga naghayag ng reklamo ay mga kalalakihan na ang libangan ay basketball at iba pang indoor sports, na nagsabing bukod sa kanila ay naalisan din ang senior citizens ng pribilehiyong gumamit ng sports complex nang libre. Bagama’t libre na ulit ngayon, nagpahayag ng pangamba ang mga residente na baka kaya ito muling inilibre ay dahil lamang sa eleksiyon.

Tiniyak ni Lim sa mga nasabing residente na sa oras na makabalik na siya sa City Hall ay muli niyang gagawing libre ang paggamit ng sports complex upang maengganyo ang mga residente, lalo ang mga kabataan, na maging aktibo pagdating sa sports.

Matatandaan, sa buong administrasyon ni Lim, tiniyak niya na libre ang paggamit ng mga nasabing sports complex para sa mga residente, sa layuning ilayo sila, lalo na ang mga kabataan, palayo sa droga at upang maging aktibo sa ano mang uri ng sports.

May anim na sports complexes at covered courts ang lungsod ng Maynila na ginagamit noon pa bilang dausan ng iba’t ibang uri ng sports activities ng mga residente nang walang kalakip na bayad.  Ito ang sumusunod: Tondo Sports Complex (near Sto. Nino De Tondo Church) District I, Patricia Sports Complex (Flora Street, Gagalangin, Tondo) District II, Rasac Covered Court (Alvarez Street corner Rizal Avenue) District III, Dapitan Sports Complex (Instruccion Street, Sampaloc) District IV, San Andres Sports Complex (San Andres Street, Malate) District V at Teresa Covered Court (Teresa Street, Sta. Mesa) District VI.

About Hataw News Team

Check Also

shabu drug arrest

P.8-M shabu sa Vale
HIGH VALUE INDIVIDUAL, KALABOSO

BAGSAK sa kulungan ang isang lalaki na listed bilang high value individual (HVI) matapos makuhaan …

Navotas Greenzone Park

Navotas Greenzone Park binuksan

PINANGUNAHAN ni Navotas City Mayor John Rey Tiangco at Congressman Toby Tiangco, kasama si Metropolitan …

Arrest Posas Handcuff

Rank 10 MWP ng PRO8, huli ng NPD

ARESTADO  ang isang lalaki na nakatala bilang rank 10 most wanted person (MWP) sa kasong …

congress kamara

 “Caregivers Welfare Act” pasado sa Kamara

SA BOTONG 271, inaprobahan ng Kongreso sa ikatlo at huling pagbasa ang House Bill 227 …

Quezon City QC

QMC idineklarang child labor-free zone — Belmonte

KASABAY nang pagdiriwang ng National Children’s Month, idineklara ng lokal na pamahalaan ng Quezon City …

Leave a Reply