Monday , June 24 2024

Archbishops umalma kay Duterte

NAGSALITA na si Lingayen Dagupan Archbishop Socrates Villegas at Archbishop Emeritus Oscar Cruz laban sa mga nagiging pahayag ni Davao City Mayor Rodrigo Duterte tungkol sa kanyang mga pamamaraan ng pamumuno kung sakaling siya ang maging susunod na pangulo.

Noong nakaraang debate ng Commission on Elections, sinabi ni Duterte na kailangan, kayang pumatay ng pangulo upang maging epektibong pinuno ng bansa.

Kadikit ito ng naunang pahayag ni Duterte na lalago ang negosyo ng punerarya sa Filipinas kapag nanalo siya kasi baka marami siyang mapatay upang sumunod sa mga batas.

Kilala si Duterte sa imaheng playboy, brusko at mahilig magmura, na gumawa ng kontrobersiya nang aminin niyang minura niya si Pope Francis sa pagbisita nito sa bansa. 

“Ang kailangan ng mundo ngayon ang pamumuno ng magandang ehemplo, o leadership by example,” sabi sa pahayag ni Villegas sa website ng Catholic Bishops Conference of the Philippines. “Marami tayong mga magaling na lider sa gobyerno at mas marami pang ginugustong umupo sa puwesto, ngunit ilan sa kanila ang dapat tularan ng mamamayan?” tanong niya.  

Sinabi ni Villegas na korupsiyon ang malalang sakit ng politika sa Filipinas, ngunit ang mukha ng korupsiyon na kinasanayan natin ay pagnanakaw o pangungulimbat mula sa kaban ng bayan.

“Ang korupsiyon, katulad ng demonyo, ay maraming mukha. Ang pagpatay sa kapwa-tao ay korupsiyon. Ang pagpatay ay kasalanan, gawa man ito ng kriminal o opisyal, kahit ano pa ang intensiyon,” paliwanag niya. 

Binanatan din ni Archbishop Villegas ang tila pambibida ng pagiging babaero ni Duterte ng kanyang mga handler at tagasuporta. “Ang pakikiapid ay korupsiyon. Ginagawa nitong walang halaga ang pagiging mag-asawa at ginagamit ang mga tao para lamang sa tawag ng laman,” batikos ng arsobispo.

Sinabi rin niya na sinisira ng pang-aapid ang pamilyang Filipino, sinisira ang pagkatao ng mga anak at nabibiktima ang mahihina.  

Para naman kay Archbishop Emeritus Oscar Cruz, ‘delikado’ para sa bayan si Duterte at “mas malala ito sa diktador na minsan nang nagpairal ng kamay na bakal sa bansa,” pahayag nito.

“Para sabihin niya na papatayin niya ang kahit sinong magkakamali at magbibiro na kailangan ng mas maraming punerarya ay nagpapakita lang na wala siyang pakialam sa karapatang pantao,” dagdag ni Cruz.  

Kahit raw nakatatawa ang mga patutsada ni Duterte ay hindi dapat hayaang maimpluwensiyahan ang ating moralidad at pamumuhay. “Ang kabastusan ay korupsiyon rin. Nababawasan ang ating pagkatao tuwing nahuhulog tayo sa ganitong paraan,” apela ni Villegas.

About Hataw News Team

Check Also

knife saksak

Sinaksak ni Tibo
WAREHOUSE STAFF, SUGATAN

GRABENG nasugatan ang isang warehouse staff matapos saksakin ng kapitbahay na babae na kanyang nakatalo …

dead gun police

Robbery suspect patay 2 pulis grabeng sugatan

PATAY ang isang robbery suspect habang dalawang pulis ang sugatan sa isang enkuwentro sa lungsod …

airplane

Sex convict nagtangkang pumasok sa PH huli ng BI

MULING NAHARANG ng mga tauhan ng Bureau of Immigration (BI) sa Ninoy Aquino International Airport …

Samuel Pabonita Pasay Police

POGO sa Pasay, krimen walisin — Pasay cop

INAMIN ni Pasay City Chief of Police Col. Samuel Pabonita, malaking bagay para sa seguridad …

3,000 Caviteños Cayetano DSWD

3,000 Caviteños nagpasalamat sa suporta mula sa mag-utol na Cayetano at DSWD

PINAIGTING ng mga tanggapan nina Senador Alan Peter at Pia Cayetano ang kanilang pagbisita sa …

Leave a Reply

Your email address will not be published. Required fields are marked *