Tuesday , June 25 2024

Menorca No Show sa CA Hearing (Walang paliwanag)

HINDI na naman sinipot ni Lowell Menorca II, itiniwalag na dating ministro ng Iglesia Ni Cristo (INC), ang sariling pagdinig sa Court of Appeals nitong Lunes.

Hindi nakapagbigay ng magandang paliwanag ang abogado niya kung bakit ilang ulit nang wala sa korte ang kliyente.

Naghain si Menorca ng petisyon noong isang taon at humingi ng writ of habeas corpus at writ of amparo kaugnay sa umano’y pagdetine at panggigipit sa kanya ng INC. Napagsuspetsahan si Menorca na naglabas sa isang “blog” ng mga katiwalian sa loob ng Iglesia.

Nauna nang hindi nagpakita sa pagdinig si Menorca noong Marso 7. Sinabi ng abogado niyang si Atty. Trixie Cruz-Angeles na nawawala o ‘missing’ daw ang kanyang kliyente.

Niliwanag din ng Bureau of Immigration na biglaang lumipad si Menorca bitbit ang kanyang pamilya patungong Vietnam, linggo ng gabi, isang araw bago ang Lunes na pagdinig. 

Sinabi ni Menorca sa mga opisyal ng immigration at ng korte na babalik siya sa Filipinas sa Marso 20 (2016).

Noong Enero 20, inaresto si Menorca patungo sa hearing sa CA. Hinuli siya ng mga tauhan ng Manila Police District kaugnay sa kasong libelong isinampa laban sa kanya. Nakalaya rin agad si Menorca matapos magpiyansa.

Humaharap si Menorca sa hiwalay na reklamo ng adultery at assault. Hinihinalang ang patuloy na pagkawala ng dating Ministro sa korte at sa mata ng publiko ay senyales ng pag-iwas sa patong-patong na asunto.

Sa pinakahuling pagdinig sa CA nitong Lunes, dapat ay isasalang sa cross-examination si Menorca pero sinabi ni Atty. Angeles na hindi raw niya nakakausap ang kliyente. Hindi nakapagbigay ang abogado ng magandang dahilan kung bakit  absent na naman si Menorca.

Naghain ng mosyon ang mga abogado ng ACCRA, na nagtatanggol sa INC, na ibasura na ang petisyon dahil ito ay “moot and academic.”

Sinabihan ng CA ang mga abogado na magsumite ng kanilang “position paper” ukol sa agarang pag-dismiss sa kaso.

“Nagiging malinaw na nagtatago si Menorca sa korte, at ayaw nang siputin ang sarili niyang petisyon. Ano pa bang paliwanag niya sa patuloy niyang ‘di pagsipot sa isinampa niyang kaso? Tama ang CA sa pagtanggi sa panukala ng abogado niya na iba na lang ang tumestigo. Siya ang nagrereklamo, siya dapat ang gumalang sa korte at magpakita rito,” ani Atty. Trina Prodigalidad ng ACCRA.

About Hataw News Team

Check Also

arrest, posas, fingerprints

No. 3 MWP ng Leyte  
NAARESTO SA CALOOCAN

ARESTADO ang isang lola na nakatala bilang No. 3 most wanted person (MWP) sa Leyte …

shabu drug arrest

P.2M shabu kompiskado  
BEBOT, ISA PA, TIKLO SA VALE AT KANKALOO

DALAWANG pinaghihinalaang tulak ng ilegal na droga, kabilang ang isang bebot ang inaresto matapos makuhaan …

SAF hinikayat ni Cayetano para sa ‘transformative’ role sa bansa

PARA kay Senator Alan Peter Cayetano, maaaring makakuha ng inspirasyon ang ating mga kababayan mula …

MATATAG curriculum

Creative & critical thinking ng Pinoy students inaasahang patatalasin ng MATATAG curriculum

KOMPIYANSA si Senador Win Gatchalian na tataas ang antas ng creative at critical thinking skills …

prison rape

Most wanted sa statutory rape
68-ANYOS LOLO TIMBOG SA VALE

REHAS na bakal ang kinasadlakan ng isang lolo na wanted sa tatlong bilang ng kasong …

Leave a Reply

Your email address will not be published. Required fields are marked *