Sex sa Zika carrier nakahahawa (Ayon sa DoH)

KABILANG sa tinututukang anggulo sa isinasagawang pag-aaral ng World Health Organization (WHO) ang hawa sa Zika virus sa paraan ng pakikipagtalik.

Ayon kay Department of Health Sec. Janette Garin, isang kaso ng virus sa Amerika ang naitala sa isang babae na walang history nang paglabas sa ibang bansa at pagbiyahe, ang nagkaroon ng nasabing virus makaraan makipag-sex sa kanyang asawa.

Lumabas sa pag-aaral na ginawa ng mga scientist, ang virus ay nananatili sa semilya ng lalaki na kanyang maipapasa sa partner.

Dahil dito, posibleng kabilang sa mga dahilan nang pagkalat sa 29 bansa na may active transmission ng virus.

Sa naturang impormasyon naalarma ang mga opisyal.

Kasabay nito, inihayag ni Garin, kailangan gumamit ng contraceptives ang mga taong exposed sa paligid ng mga lamok para makaiwas sa Zika virus.