Adik tumalon mula bell tower ng San Felipe Church patay

PATAY ang 27-anyos lalaki makaraang tumalon mula sa bell tower ng San Felipe Neri Church sa Mandaluyong City kahapon ng madaling-araw.

Ang biktimang pansamantalang hindi ibinunyag ang pangalan hangga’t hindi pa naaabisohan ang kanyang pamilya, ay sinasabing kalalabas lamang mula sa drug rehabilitation facility.

Ayon sa ulat na tinanggap ng Eastern Police District (EPD) dakong 4:35 a.m. mula kay Nestor Baron, ng San Felipe Neri Church, nakarinig siya nang isang malakas na kalabog at pagkaraan ay natagpuan ang bangkay ng biktima.

Hindi pa mabatid ng mga sekyu kung paano nakaakyat ang biktima sa bell tower ng simbahan sa Boni Avenue at Aglipay St., sa lungsod.