AFP no revamp sa eleksiyon

KINOMPIRMA ng pamunuan ng Armed Forces of the Philippines (AFP), hindi sila magpapatupad ng revamp o balasahan sa kanilang mga opisyal kaugnay sa nalalapit na May 2016 elections.

Una nang binalasa ng PNP ang mahigit 700 nitong mga opisyal upang hindi maimpluwnesiyahan ng tumatakbong mga kandidato.

Ikinatwiran ni AFP spokesperson Col. Noel Detoyato, hindi saklaw ng kapangyarihan ng mga politiko ang mga sundalo lalo na sa mga probinsiya kaya hindi na kailangan pa ang balasahan.

Pahayag ni Detoyato, malinaw ang direktiba sa mga sundalo na hindi makisawsaw sa politika at kapag sinuway ang nasabing kautusan ay siguradong mananagot sila.

Sa kabilang dako, nagpapatuloy ang paglalansag ng militar sa private armed groups (PAGs) at loose firearms katuwang ang PNP.