‘Tanim-bala’ report naisumite na ng NBI sa DoJ

NAISUMITE na ng National Bureau of Investigation (NBI) sa Department of Justice (DoJ) ang resulta ng kanilang isinagawang imbestigasyon kaugnay sa kontorbersiyal na “tanim-bala” scheme sa NAIA.

Ayon kay Department of Justice Spokesman at Undersecretary Emmanuel Caparas, nasa mesa na ni Justice Secretary Alfredo Benjamin Caguioa ang nasabing report, ngunit hiling niya na bigyan ng pagkakataon ang kalihim na rebyuhin ang nasabing ulat.

Ngayong araw nakatakdang magbigay ng pahayag ang DoJ hinggil sa nasabing resulta ng imbestigasyon.

Sinabi ni Caparas, kahapon ang deadline ng nasabing report makaraang bigyan ng 15 araw working day extention ang NBI.

Una rito, iniutos ng kalihim sa NBI na makipag-coordinate sa mga ahensiya ng pamahalaan kaugnay sa nasabing kontrobersiya.