Taxi driver inabsuwelto

INABSWELTO ng Land Transportation Franchising and Regulatory Board (LTFRB) ang taxi driver na inaakusahan ng pagtatanim ng bala sa isang pasahero.

Ayon kay LTFRB Chair Winston Ginez, mas kapani-paniwala ang salaysay na ibinigay ng taxi driver na si Ricky Milagrosa.

Martes ang ikalawang araw ng pagdinig, ngunit hindi dumalo ang complainant na si Julius Habana kahit ginawa na ng LTFRB ang lahat ng paraan upang padaluhin ang nagreklamo.

Dahil dito, nagdesisyon ang LTFRB na ipaaresto si Habana dahil sa contempt of court.

Labis ang tuwa ni Milagrosa sa pagpapawalang-sala sa kanya.

Absuwelto rin si Milagrosa sa pangalawang kaso ng ‘tanim-bala’ dahil umatras ang naghain ng kaso.