Aviation Security Chief ng NCR sinibak

KINOMPIRMA ni Philippine National Police Aviation Security Group director, Chief Supt. Pablo Francisco Balagtas, sinibak na sa puwesto ang National Capital Region (NCR) Aviation security chief.

Ayon kay Balagtas, papalitan ni Senior Supt. Adolfo Samala ang sinibak na si Senior Supt. Ricardo Layug Jr., head ng Aviation Security Unit ng NCR.

Ito ay kaugnay sa kinahaharap ng opisyal na kontrobersiya kaugnay sa ‘tanim-bala’ sa Ninoy Aquino International Airport (NAIA).

Nilinaw ni Balagtas na bahagi ng ‘rotation’ sa PNP ang pagsibak kay Layug.

Samantala, sinibak na rin ang 15 empleyado ng Transportation for Security habang iniimbestigahan ang anim kaso ng modus.

Ayon kay kay Office for Transportation Security (OTS) Deputy Administrator Roberto Villanueva, nasa restricted status ang mga tauhan na nakatoka sa screening station ng NAIA kung saan nakuha ang mga bala.

Layon aniya ng imbestigasyon na burahin ang pagdududa sa mga tauhan ng paliparan na isinasangkot sa ‘tanim-bala’ modus.