Friday , March 29 2024

NBI sinuyod jueteng ni Pineda (Pandaraya sa benta binubusisi rin, Ayong nagsumbong)

0803 FRONTSINUYOD ng National Bureau of Investigation (NBI) ang mga Small Town Lottery (STL) operation na pinaniniwalaang ginagamit sa jueteng at pandaraya ng mga may-ari ng prangkisa sa kanilang pagdedeklara ng arawang benta sa lokal na loterya sa iba’t ibang lugar sa Luzon.

Nauna rito, nakipag-ugnayan si Philippine Charity Sweepstakes Office  (PCSO) chairman  Ireneo “Ayong” Maliksi sa NBI upang supilin ang paggamit sa STL games bilang prente ng ilegal na sugal, na nagbunga ng sunod-sunod na pagsalakay sa mga loterya sa Nueva Ecija, Pampanga, Bulacan, Laguna at Batangas.

Sinabi kahapon ni Maliksi, iniutos na rin niya ang masusing paghimay sa mga detalye ng arawang lottery sales na idineklara ng tinawag na STL lords kasunod ng natuklasan ng PCSO na pandaraya sa kanilang benta.

Sa pag-aaral ng PCSO, lumalabas na aabot sa P103 bilyon ang tinatayang gross sales kada taon ng lahat ng 17 STL operators, pero noong nagdaang 2014 ay nagsumite lamang ng bentang P4.7 bilyon.

“Sa usapang mapupunta ang 45% para sa operational expenses at charity funds ng PCSO, lumalabas na mahigit P45 bilyon kada taon ang nakukupit ng STL operators,” pahayag ni Maliksi. Sinabi ng isang mataas na opisyal sa PCSO na iniutos ni Maliksi ang pag-iimbestiga sa ulat na P200 milyon ang ibinigay ng ‘STL lords’ sa isang mataas na opisyal sa gabinete ni Pangulong Aquino upang panatilihin hanggang sa susunod na taon ang prangkisa ng lottery games.

“Matatandaan na nauna nang ipinag-utos ni Pangulong Aquino noong 2013 ang pagpapatigil sa nasabing lottery games para palitan ng ibang laro na puwedeng bumasag sa ilegal na jueteng, pero nakapagtataka na nabigyan pa ng extension ang prangkisa ng STL lords,” pahayag ng opisyal ng PCSO.

Aniya, karamihan sa mga lottery operation na sinalakay ng NBI ay nakapangalan sa isang Bong Pineda, na pinaniniwalaang utak ng STL project noong panahon ni dating Pangulong Gloria Arroyo.

“Nakompiska ng mga operatiba  ng  NBI  ang ilang gamit na magpapatunay na jueteng ang ipinangongolekta ng mga kobrador ng STL sa mga ni-raid na lugar, may dala-dalang papelitos at ibang paraphernalia ng ilegal na sugal,” dagdag na pahayag ng opisyal ng PCSO. 

About jsy publishing

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *