HATAW! D'yaryo ng Bayan hatawtabloid.com
MATABIL
ni John Fontanilla
SINA Vilma Santos at Christopher De Leon ang bet ng Vice President ng Intelle Builders and Development Corporation at Philanthropist na si Cecille Bravo na gumanap bilang sila ng kanyang esposo at President ng Intelle na si Pete Bravo sakaling isasapelikula o ipalalabas sa Magpakailanman ang kanilang buhay.
Para kay Madam Cecille, gusto nito si Vilma daw na bukod sa mahusay umarte at awardwinning actress ay pareho silang maputi at mahilig sumayaw. Samantalang bukod din sa mahusay si Christopher ay moreno rin ito katulad ng kanyang asawang si Sir Pete. Alam ni Madam Cecille na mabibigayang justice nina Vilma at Boyet ang makulay na istorya ng kanilang buhay. Pero kailangan pa niyang isangguni sa asawa kung gusto itong isa pelikula o isa-telebisyon ang kanilang life story.
Tsika nga ni Madam Cecille sa katatapos na grand launching ng Aspire Magazine Philippines na ang kanyang pamilya ang cover ng December issue na may theme na Paskong Pinoy, “Gusto ko Vilma Santos na gumanap bilang ako, dahil bukod sa magaling na artista si Ate Vi, pareho kaming maputi at mahilig sumayaw.
“Habang gusto ko naman si Christopher dahil magaling siyang aktor at katulad ng asawa ko pareho silang moreno and alam kong maibibigyan nina ate Vi at Christopher ng justice ang aming life story.”
Very inspiring at talaga namang kapupulutan ng aral ang journey ng buhay nina Madam Cecille at Sir Pete, na mula sa kanilang pag-uumpisa ng kanilang negosyo ay nakaranas sila ng hirap at nang dahil sa kanilang pagsisikap, tiyaga na sinamahan ng dasal sa Poong Maykapal na umani ng tagumpay sa kanilang negosyo pagkaraan ng ilang taon.
Kaya naman sa paglago ng kanilang negosyo katuwang ang kanilang mga anak na sina Jeru, Maricris, Miguel, at Matthew ay maraming mga kababayan natin mula bata hangang matanda ang kanilang tinutulungan, bilang pasasalamat na rin sa blessings na ibinibigay sa kanila ng Diyos.
At sa pagpasok ng 2023 ay hiling ni Madam Cecille na magpatuloy pa ang paglago ng kanilang negosyo para mas marami pang kababayan natin ang kanilang matulungan.
