Tuesday , July 16 2024

PLM president  ‘tinimbang’ ngunit kulang

Isumbong mo
kay DRAGON LADY
ni Amor Virata

BINALEWALA o ipinawalang bisa na ng Civil Service Commission (CSC) ang appointment ni Emmanuel Leyco bilang Pangulo ng Pamantasan ng Lungsod ng Maynila (PLM).

Sa walong-pahinang desisyon, nakasaad na hindi kalipikado o hindi sapat ang “educational requirements” ni Leyco para maging PLM President.

Tinukoy ng CSC sa kanilang desisyon base sa isinasaad ng 1997 Revised Qualification Standards Manual para sa isang state university president ay kinakailangan ng sapat na Doctoral Degree at limang taong karanasan sa isang posisyon na may kinalaman sa pamamahala at pangangasiwa sa edukasyon na pawang hindi taglay na katangian ni Leyco para manungkulan bilang presidente ng PLM.

Pirmado nina CSC Chairperson Alicia dela Rosa-Bala at CSC Commissioner Atty. Aileen Lourdes Lizada ang desisyon vs. Leyco na ibinabasura ang Petition to Review na kanyang isinumite  kaugnay sa naging desisyon ng CSC-National Capital Region noong 13 Febrero 2020.

Base sa rekord, si Leyco ay naitalaga sa PLM noong nakalipas na 1 Hulyo 2019 bilang miyembro ng Board of Regents ng PLM sa loob ng anim na taon.

Ngunit noong 10 Hulyo 2019, inihalal ng PLM-BOR si Leyco bilang PLM President, pero noong 20 Febrero 2020 ang pagkahalal kay Leyco ay ipinawalang bisa ng CSC-NCR sa kadahilanang wala Doctorate Degree si Leyco bilang isa sa educational requirement para maging PLM President.

Bagama’t nagsumite ng kanyang Petition for Review si Leyco, ibinasura ito ng CSC.

Noong 28 Enero 2022 ay dinismis ang nasabing petisyon para pananindigan ng CSC ang naunang desisyon na hindi kalipikado si Leyco bilang PLM President.

Ayon sa CSC, sakop ng 1997 Revised Qualification Standards Manual ang PLM dahil isinailalim na ng Commission on Higher Education (CHED) sa kategoryang local university dahil ang pondo ng PLM ay mula sa pamahalaang lokal ng Maynila.

Kung hindi kalipikado si Leyco, sino ang nakapirma sa diploma ng mga grumadweyt na mga estudyante? Tiyak maaapektohan ang mga nagsitapos kung si Leyco ang nakapirma.

President Leyco, unsolicited advice lang po, mag-graceful exit na kayo.

About Amor Virata

Check Also

Dragon Lady Amor Virata

Daming fake news sa socmed mga apektado kawawa naman

Isumbong mokay DRAGON LADYni Amor Virata SIYENTO PORSIYENTONG lumilitaw na ang social media ay ‘marites’ …

Sipat Mat Vicencio

Manalo kaya si Digong sa 2025 elections?

SIPATni Mat Vicencio NAGKAKAMALI ang marami kung inaakalang tuluyang makalulusot si dating Pangulong Rodrigo “Digong” …

FIRING LINE ni Robert B. Roque, Jr.

Mga mungkahi sa susunod na DepEd chief

FIRING LINEni Robert B. Roque, Jr. BAGO pa siya manumpa sa tungkulin bilang Kalihim ng …

Dragon Lady Amor Virata

Calixto ng Pasay ‘di kayang gibain

Isumbong mokay DRAGON LADYni Amor Virata KUNG mayroon man may lakas ng loob na labanan …

YANIG ni Bong Ramos

Bukod sa West Philippine Sea  
NCR, LUZON PENETRATED NA RIN NGA BA NG CHINA?

YANIGni Bong Ramos BUKOD sa West Philippine Sea (WPS), hindi nakapagtataka kung penetrated na rin …