Monday , August 8 2022
Dragon Lady Amor Virata

Inabandonang anak may sustento na

Isumbong mo
kay DRAGON LADY
ni Amor Virata

LAGOT ang mga tatay na umaabandona sa mga anak, dahil isinulong na sa Kongreso ang batas na naglalayong dapat ay sustentohan ng ‘di bababa sa P6,000 ang bawat isang anak na inabandona nito.

Paano naman kung walang kakayahan ang isang ama na magbigay ng sustento?

Ayon sa batas na isinulong ni  Northern Samar Cong. Paul Daza, kung walang hanapbuhay ang mga magulang ay tutulungan ito ng gobyerno na magkaroon ng trabaho o kabuhayan para makapagbigay ng sustento.

Sa kasalukuyan ay mayroong 14 milyong solo parents sa ating bansa at 13.3 milyon ay mga babae. Hindi tinukoy sa ginagawang batas kung kabilang ang mga batang biktima ng pagtataksil ng isang ama o bunga ng pagkakamali dahil legal na may pamilya ang isang lalaki at nakabuntis ng ibang babae .

Sakaling umubra na kabilang ang mga unwed mother, hindi kaya magsilabasan ang pangalan ng mga kilalang personalidad na hindi nagsusustento sa kanilang mga inanakan? Abangan!

Ang masakit, kapag napatunayan na hindi nagsusustento, ipakakansela ang driver’s license, pasaporte para ‘di na makalabas ng bansa o ipade-deport kung nasa ibang bansa.

Kaya mga tatay na gustong humiwalay sa kanilang mga misis kahit maraming anak, may kalalagyan na kayo. At ‘yung mga lalaking kahit may mga asawa na at mga anak, ay nangangaliwa at nagbabahay ng kanilang mga kabit at inanakan pa, lagot kayo heto na ang batas na puputol sa inyong kalokohan.

Mga lalaking ‘di makontento sa kanilang misis, aanak pa sa ibang babae pasok kayo sa batas na ito sakaling mapagtibay ito ng Kongreso. Mabuhay ka, Cong. Daza!

About Amor Virata

Check Also

Sipat Mat Vicencio

Mga sama ng loob ni Imee

SIPATni Mat Vicencio KUNG meron mang pinakamalungkot na nilalang sa balat ng lupa ngayon, walang …

Sipat Mat Vicencio

Poe nagulat sa pagkambiyo ni Bongbong sa DDR

SIPATni Mat Vicencio NABUHAYAN ng loob ang maraming senador kabilang na si Senator Grace Poe, …

Krystall Herbal Oil

Manugang mabilis na nanganak dahil sa Krystall Herbal Oil

Back to BasicNATURE’S HEALINGni Fely Guy Ong Dear Sis Fely Guy Ong,                Ako po …

Dragon Lady Amor Virata

Walang paradahan, hindi puwedeng bumili ng sasakyan

Isumbong mokay DRAGON LADYni Amor Virata MAGING epektibo kaya ang inihaing panukala ni dating speaker …

Sipat Mat Vicencio

Tibay ni Carding

SIPATni Mat Vicencio SA GITNA ng nagsasalimbayang unos at maladelubyong sitwasyon sa loob ng Malacañang, …