Thursday , July 7 2022
Dragon Lady Amor Virata

Mga bastos sa FB swak na sa kulungan

Isumbong mo
kay DRAGON LADY
ni Amor Virata

KINATIGAN ng Korte Suprema ang desisyon na ang mga FB users na ginagamit ang social media sa mga kalokohan ay mapapatawan ng parusa, at ang mga biktima nito ay gagawaran ng hustisya.

Kabilang dito ang child pornography, ang mga larawan na hindi kanais-nais, o may kabastusan.

Dahil sa batas na Data Privacy Act na ipinatupad ng administrasyong Rodrigo Duterte, kinatigan ito ng Korte Suprema na naglalayong iiwas ang mga nabibiktima. Mga taong bastos sa pagpapakalat ng mga larawan o video dahil ang social media, buong mundo ang nakaaalam, at isa itong pribado na hindi dapat isapubliko, at maging sa private message ng fb messenger.

Madalas ngayon sa foreign countries nanggagaling ang mga malalaswang panoorin, kaya marami rin ang mga kabataan na biktima ng cyber crimes.

Mabuti at namulat ang SC dahil baka magulat ka isang araw, anak mo na pala ang nasa malaswang eksena!

RESBAK NG MGA TALUNAN SA HALALAN

MARAMING impormasyon ang natanggap ng inyong lingkod na ang mga kandidato na talo sa nakalipas na eleksiyon, na bagama’t may natitira pang araw ng paglilingkod ay nagkaroon ng pagkakataon na resbakan ang mga hindi sumuporta sa kanilang kandidatura.

Isa sa mga resbak, kahit may pondo ay pagkaantala ng ilang proyekto na dapat ay tuloy-tuloy ang paggawa, ‘yun nga lang ‘di natin alam kung may pondo pa o nagamit sa panahon ng kampanyahan.

Halimbawa sa Cavite City, natalo ang anak ng ama ng dating alkalde, na si ABC President Apple Paredes.

Okey sana si Apple ayon sa kanyang mga tagasuporta, nadamay umano sa kamanyakan ng ama na kasalukuyang dinidinig ang kaso sa Mandaluyong RTC.

Sa ‘di malamang dahilan, kasong rape at child abuse ang naging desisyon sa piskalya. Bakit child abuse? Ano ba ang pang-aabuso na ginawa ng ama ni Paredes?

Kaunting araw na lang, aalis na si Mayor Totie Paredes at uupo na ang papalit dito na si former Vice-Mayor Denver Chua, may sumbong pati gasolina ng pulisya ay ‘di na ibinibigay.

Paano kikilos ang mga pulis, paano ang kanilang mga operasyon? Ganyan ang politika, ‘di ninyo ako sinuportahan, ‘di ko rin kayo susuportahan! Gano’n?

Ang dapat gawin ni mayor-elect Denver Chua, busisiin ang kaban ng bayan.

Hindi lamang ang Cavite City, lahat ng mga incumbent Mayor na natalo ng baguhan upang mabatid ng taongbayan ang paglustay ng pondo mula sa kaban ng bayan o siyudad.

About Amor Virata

Check Also

FIRING LINE ni Robert B. Roque, Jr.

RIP, Nonoy Andaya

FIRING LINEni Robert B. Roque, Jr. ITINAKDA ngayong araw ang inurnment ni dating Camarines Sur …

AKSYON AGAD ni Almar Danguilan

Patay muna aso bago turok ng bakuna

AKSYON AGADni Almar Danguilan KAPAG namatay na ang aso, saka lang babakunahan para sa anti-rabies …

PROMDI ni Fernan AngelesI

MOA ni Gina Lopez, ibasura na

PROMDIni Fernan Angeles NANANAWAGAN ang mga katutubong magsasaka at mga residente ng Sitio San Roque, …

Dragon Lady Amor Virata

Kagulat-gulat na anunsiyo ni Parañaque newly elected mayor

Isumbong mokay DRAGON LADYni Amor Virata FIRST time in history sa local government ng Parañaque, …

Sipat Mat Vicencio

‘Butas ng karayom’ ang papasukin ni Bongbong

SIPATni Mat Vicencio ANG pormal na panunumpa ni Ferdinand “Bongbong” Marcos, Jr., bilang ika-17 pangulo …